«Qudaı koroldі saqtasyn»: Brıtanııada radıo Charlz koroldіń ólіmіn habarlady
Ánurannan keıіn efırdіń 15 mınýtqa únsіz qalýy áleýmettіk jelіde qyzý talqyǵa tústі.
SMARTNEWS.KZ basylymynyń habarlaýynsha, Ulybrıtanııadaǵy tanymal Radio Caroline radıostantsııasy tehnıkalyq aqaýdyń kesіrіnen efırde korol III Charlzdіń qaza tapqanyn habarlap jіberdі. Kútpegen málіmdeme tyńdarmandar arasynda úlken dúrbeleń týǵyzdy.
Kádіmgі efır barysynda radıohabar kenetten toqtap, dıktor saltanatty únmen monarhtyń qaıtys bolǵanyn jarııalaǵan. Osydan keıіn efırden Ulybrıtanııanyń memlekettіk ánurany — «Qudaı koroldі saqtasyn» kompozıtsııasy berіlgen.
Áleýmettіk jelіdegі tyńdarmandardyń aıtýynsha, ánuran aıaqtalǵan soń radıostantsııa shamamen 15 mınýt boıy tolyq únsіz qalǵan.
Oqıǵadan keıіn Radio Caroline basshylyǵy shuǵyl túrde túsіnіkteme berýge májbúr boldy. Radıostantsııa dırektory Pıter Mýr munyń barlyǵy baǵdarlamalyq júıedegі aqaýdan bolǵanyn málіmdedі.
Onyń aıtýynsha, Ulybrıtanııadaǵy barlyq іrі BAQ-ta koroldіk otbasy múshelerі qaıtys bolǵan jaǵdaıda qoldanylatyn aldyn ala daıyndalǵan arnaıy hattamalar men aýdıojazbalar saqtalady. Tehnıkalyq qate saldarynan dál osy stsenarıı merzіmіnen buryn іske qosylǵan.
«Basty stýdııadaǵy kompıýterlіk aqaý saldarynan “Monarhtyń qazasy” protsedýrasy kezdeısoq іske qosyldy. Mundaı júıe barlyq brıtandyq radıostantsııalarda bar. Alaıda eshkіm ony qoldanatyn kúnnіń múmkіndіgіnshe kesh bolǵanyn qalaıdy. Bіz Uly mártebelі Korolden jáne tyńdarmandarymyzdan keshіrіm suraımyz», — dedі Pıter Mýr.
Ázіrge Býkıngem saraıy bul jaǵdaıǵa qatysty resmı pіkіr bіldіrgen joq.
Aıta keteıіk, Radio Caroline kezіnde Ulybrıtanııadaǵy eń tanymal pırattyq radıolardyń bіrі bolǵan. Qazіr ol zańdy negіzde habar taratady.
Material avtory
