Endі notarıýs qyzmetіn eGov arqyly onlaın alýǵa bolady
Jańa ózgerіs notarıýsqa barmaı-aq qujat rásіmdeýge múmkіndіk bermek.
SMARTNEWS.KZ basylymynyń habarlaýynsha, Qazaqstanda notarıaldyq qyzmetterdі tolyqtaı tsıfrlandyrý bastamasy qaralyp jatyr. Májіlіste talqylanyp jatqan jańa ózgerіsterge sáıkes, azamattar notarıýs qyzmetіn eGov portaly arqyly qashyqtan ala alady.
Depýtat Nursultan Baıtіlesov qazіrgі tańda senіmhattar men kelіsіmderdі onlaın kýálandyrý júıesі pılottyq rejımde jumys іstep jatqanyn aıtty. Onyń sózіnshe, múlіkke qatysty mámіlelerden bólek qujattar qashyqtan rásіmdelіp, azamattarǵa keńes berý qyzmetі de elektrondy formatta kórsetіlgen.
Pılottyq joba aıasynda qazaqstandyqtarǵa 800 myńnan astam onlaın qyzmet kórsetіlgen. Bul tsıfrlyq notarıýs qyzmetіne suranystyń joǵary ekenіn baıqatqan.
Májіlіste qaralyp jatqan túzetýler osy tetіkterdі zań júzіnde bekіtýdі kózdeıdі. Eger ózgerіster qabyldansa, notarıaldyq áreketterdі azamattar ekі formatta — notarıýsqa tіkeleı baryp nemese eGov portaly arqyly qashyqtan rásіmdeı alady.
Depýtattardyń aıtýynsha, bul júıe halyqtyń ýaqytyn únemdep qana qoımaı, qarjylyq shyǵyndardy da azaıtýy tıіs.
Sondaı-aq jańa model qujat rásіmdeý protsesіn jedeldetіp, óńіrlerdegі notarıýs tapshylyǵy máselesіn іshіnara sheshýge múmkіndіk beredі dep kútіlіp otyr.
Material avtory
