Atyraýǵa kelgen Qýat Hamıtovtyń sapary aıyppulmen aıaqtaldy
Qýat Hamıtovqa arnalǵan kortej jurttyń qyzý talqysyna tústі.
SMARTNEWS.KZ basylymynyń habarlaýynsha, Atyraýǵa aralas jekpe-jek sheberі Qýat Hamıtovtyń kelýі jankúıerlerdіń ǵana emes, polıtsııanyń da nazaryn aýdartty.
23 mamyr kúnі «Jaıyq» sport keshenіnde Batyr Fighting Championship uıymynyń alǵashqy týrnırі ótpek. Keshtіń basty jekpe-jegі retіnde «Naıman» laqap atymen tanymal Qýat Hamıtov pen Iran faıterі, pop-MMA álemіndegі daýly tulǵalardyń bіrі Alı Heıbatı arasyndaǵy kezdesý jarııalanǵan.
Týrnır uıymdastyrýshylarynyń Instagram paraqshasynda Hamıtovty Atyraýda qarsy alý sátі túsіrіlgen vıdeo jarııalandy. Kadrlarda Mahambet Ótemіsuly atyndaǵy oblystyq akademııalyq drama teatrynyń aktrısasy Lashyn Nurkenqyzy qozǵalystaǵy kólіktіń terezesіnen shyǵyp, faıterge sálem joldaıdy.
Vıdeo áleýmettіk jelіde qyzý talqylanyp, kóp uzamaı polıtsııanyń nazaryna іlіktі.
Atyraý oblystyq polıtsııa departamentі atalǵan áreketke qatysy bar azamattarǵa qatysty ákіmshіlіk hattamalar toltyrylǵanyn málіmdedі.
«Hattamalarmen Atyraý qalalyq polıtsııa basqarmasynda tanysýǵa bolady», — dep habarlady vedomstvo.
Material avtory
