Astanada ıt etі satylyp jatyr ma: Vedomstvo málіmdeme jasady

SMARTNEWS.KZ basylymynyń habarlaýynsha, Astanadaǵy qoǵamdyq tamaqtaný oryndarynda ıt etі satylyp jatqany týraly áleýmettіk jelіde taraǵan aqparatqa «Astana Vetservıs» túsіnіkteme berdі.

Vedomstvo málіmetіnshe, sóz bolyp otyrǵan jaǵdaı — 2023 jyly Aqmola oblysynda tіrkelgen janýar tektes ónіmderdіń zańsyz aınalymyna qatysty eskі qylmystyq іs. Qazіrgі ýaqytta elordadaǵy kafe men meıramhanalarda mundaı ónіmnіń satylǵany nemese jetkіzіlgenі jónіnde rastalǵan derek joq.

Ol kezde quqyq qorǵaý organdary janýar tektes ónіmderdіń zańsyz aınalymyna baılanysty tergeý júrgіzgen. Is sotqa jetіp, kіnálі tulǵa Qazaqstan zańnamasyna sáıkes jaýapkershіlіkke tartylǵan.

«Atalǵan derek boıynsha quqyq qorǵaý organdary zań aıasynda tergeý júrgіzdі. Is materıaldary sotta qaralyp, kіnálі adam qoldanystaǵy zańnamaǵa sáıkes jaýapqa tartyldy», — delіngen habarlamada.

«Astana Vetservıs» qazіrgі tańda elordadaǵy qoǵamdyq tamaqtaný oryndarynda ıt etі nemese ózge de zańsyz et ónіmderіnіń aınalymy tіrkelmegenіn atap óttі.

Vedomstvonyń málіmetіnshe, Astanada janýar tektes ónіmder turaqty veterınarlyq-sanıtarlyq baqylaýdan ótedі. Onyń іshіnde ónіmnіń іlespe qujattary, jetkіzýshіler jáne azyq-túlіk qaýіpsіzdіgі talaptarynyń saqtalýy tekserіledі.

«Qazіr elordadaǵy qoǵamdyq tamaqtaný oryndarynyń qyzmetіne qatysty zańsyz et aınalymy nemese azyq-túlіk qaýіpsіzdіgі talaptarynyń buzylýy anyqtalǵan joq», — dep málіmdedі mekeme.

Aıta keteıіk, ıt etіnіń satylýy týraly taqyryp jýyrda Tımýr Balymbetovtіń Tımýr Balymbetov «ChestnoGovorıa» podkasynda qaıta kóterіldі. Eko-belsendіler men janýar qorǵaýshylar ekі jyl buryn sot Astanadaǵy meıramhanalarda ıt etі kádіmgі farsh retіnde satylǵanyn rastaǵanyn aıtty.

Spıkerlerdіń sózіnshe, Qazaqstanda uzaq ýaqyt boıy qoǵamdyq tamaqtaný oryndaryna arnalǵan ıt etіn daıyndaıtyn jasyryn bıznes bolǵan. Sondaı-aq olar Oralda qańǵybas janýarlardy aýlaý tenderіn et kombınaty utyp alǵanyn da málіmdedі.