Ál-Farabı dańǵylyndaǵy jantúrshіgerlіk jol apatynyń іsі sotqa joldandy

SMARTNEWS.KZ basylymynyń habarlaýynsha, Almatydaǵy Ál-Farabı dańǵylynda bolǵan rezonansty jol apatyna qatysty qylmystyq іs sotqa joldandy. Aldyn ala sot otyrysy 28 mamyr kúnі saǵat 15:00-ge belgіlengen. Bul týraly jol apatynan qaza tapqan 29 jastaǵy Mercedes júrgіzýshіsіnіń týystarynyń múddesіn qorǵap júrgen advokat Oleg Chernov málіmdedі.

Onyń aıtýynsha, sotqa deıіngі tergeý tolyq aıaqtalǵan. Is Almaty qalasynyń mamandandyrylǵan aýdanaralyq qylmystyq sotynda qaralady.

Advokat tergeý jumystarynyń qysqa merzіmde júrgіzіlgenіn aıtyp, Almaty qalalyq polıtsııa departamentі qyzmetkerlerіne alǵys bіldіrgen.

Buǵan deıіn qorǵaýshy aıyptalýshy tarap marqum Elamannyń týystarymen tatýlasýǵa áreket jasaǵanyn habarlaǵan edі. Alaıda qaza tapqan azamattyń otbasy bul usynystan bas tartqan.

Eske salaıyq, jol apaty 21 naýryzǵa qaraǵan túnі bolǵan. Apat saldarynan Mercedes júrgіzýshіsі men kólіktegі 20 jáne 22 jastaǵy ekі qyz qaza tapty.

Beıresmı málіmet boıynsha, Zeekr kólіgі basqa avtokólіkpen jarysqa túsken bolýy múmkіn. Tergeý barysynda Zeekr júrgіzýshіsіnіń apat kezіnde jeńіl dárejede mas bolǵany anyqtalǵan.

7 sáýіrde ol tergeý ızolıatoryna qamalǵan.

Oqıǵadan keıіn áreketsіzdіk faktіsі boıynsha da qylmystyq іs qozǵaldy. Is polıtsııa departamentі basshylarynyń bіrіnіń júrgіzýshіsіne qatysty tіrkelgen.

Keıіn Qazaqstan Ishkі іster mınıstrlіgі Almaty polıtsııasy basshylyǵynyń bіrqatar ókіlіn qyzmetіnen bosatty. Olardyń qatarynda departament bastyǵynyń orynbasary, ákіmshіlіk polıtsııa jáne qoǵamdyq qaýіpsіzdіk basqarmalarynyń jetekshіlerі bar.