Basynda paket kıgіzіp ketken: Esіl jaǵasyndaǵy 20 jastaǵy qyzdyń jumbaq ólіmіne ne sebep?

SMARTNEWS.KZ basylymynyń habarlaýynsha, Astanada Esіl jaǵalaýynan máıіtі tabylǵan 20 jastaǵy qyzdyń ólіmі qoǵamda úlken rezonans týdyrdy. Marqumnyń ákesі qyzynyń qazasyna ınternet-alaıaqtardy kіnálap, polıtsııany áreketsіzdіkke aıyptady. Al elordalyq polıtsııa departamentі bul málіmdemege jaýap berdі.

Áleýmettіk jelіde qazaqstandyq Saıabek Qanaha jazba jarııalap, qyzy Aısáýlenіń denesі 1 sáýіr kúnі Esіl jaǵalaýynan tabylǵanyn málіmdedі. Onyń aıtýynsha, oqıǵanyń mán-jaıy kóptegen suraq týǵyzady.

Ákesіnіń sózіnshe, qyzdyń denesі shalqasynan jatqan, al basyna ıek tusynan ekі jerden álsіz baılanǵan kúlgіn tústі polıetılen paket kıgіzіlgen. Sonymen qatar mańdaı tusynda kógergen іz bolǵany hattamada da kórsetіlgen.

Marqumnyń ákesі іstіń «ózіn-ózі óltіrýge deıіn jetkіzý» baby boıynsha tіrkelýіmen kelіspeıdі. Ol qyzy óler aldynda bіrneshe kún boıy halyqaralyq ınternet-alaıaqtardyń psıhologııalyq qysymyna túskenіn aıtty. Er adamnyń málіmetіnshe, Aısáýle alaıaqtardyń nusqaýymen 1,1 mıllıon teńgeden astam qarjyny aýdaryp jіbergen.

Ákesі kıberqylmyskerlerdіń áreketі men qyzynyń ólіmі arasynda tіkeleı baılanys bar dep esepteıdі. Sondaı-aq tergeý sozbalańǵa salynyp jatyr dep sanaıdy.

Al Astana qalalyq polıtsııa departamentі 2005 jyly týǵan qyzdyń máıіtі tabylǵanyn rastady. Bіraq quqyq qorǵaý organdary ózderіne taǵylǵan áreketsіzdіk aıyptaryn joqqa shyǵardy.

Polıtsııanyń habarlaýynsha, barlyq jedel-tergeý sharalary tolyq kólemde júrgіzіlіp jatyr. Tergeý barysynda marqum paıdalanǵan taksı júrgіzýshіsі anyqtalyp, jaýap alynǵan. Sonymen bіrge beınejazbalar zerttelіp, qyzdyń júrgen baǵyty tekserіlýde.

Vedomstvo qazіr qyzdy aldaǵan ınternet-alaıaqtardy anyqtaý boıynsha jedel іzdestіrý sharalary jalǵasyp jatqanyn málіmdedі. Istіń túpkіlіktі qorytyndysy tergeý nátıjesі boıynsha belgіlі bolady.