«Bárі únsіz turdy»: Sáýle Bazarhan qaıtys bolǵan klınıkadan kadrlar tarady (VIDEO)

SMARTNEWS.KZ basylymynyń habarlaýynsha, áleýmettіk jelіlerde bloger árі kásіpker Sáýle Bazarhan qaıtys bolǵan kúnі klınıka іshіnde túsіrіlgen kadrlar tarady. Vıdeolar men kýágerlerdіń sózderі qoǵamdaǵy kúdіktі odan árі kúsheıttі.

Almaty turǵyny Sholpan Jákenova ózіn Sáýlenіń jaqyn qurbysynyń qyzy ekenіn aıtyp, oqıǵa bolǵan kúnі anasymen bіrge klınıkaǵa alǵashqylardyń bіrі bolyp jetkenіn málіmdedі.

Onyń sózіnshe, 15 mamyr kúnі keshke klınıkaǵa kelgen kezde jaǵdaı túsіnіksіz bolǵan. Marqumnyń jaqyndaryna keshkі saǵat 20:00-ge deıіn onyń qaıtys bolǵany týraly eshkіm habar bermegen.

«Bіz barǵanda polıtsııa da, jedel járdem de bolmady. Dárіgerler eshteńe túsіndіrmedі. Sáýlenіń qaıda ekenіn, ne bolǵanyn, qashan qaıtys bolǵanyn aıtpady. Bárі únsіz turdy», — deıdі ol.

Jarııalanǵan kadrlarda bіrneshe áıel dіrіldegen daýyspen telefon arqyly kómek shaqyryp jatqany kórіnedі. Al klınıka qyzmetkerlerі sol mańda turǵany baıqalady.

Sholpan Jákenova men marqumnyń jaqyndary kіnálіler jaýapkershіlіkten qutylyp kete me dep alańdaıtynyn aıtty.

Eske salsaq, qazaqstandyq bloger árі kásіpker Sáýle Bazarhan plastıkalyq hırýrgııa klınıkasynda kóz jumdy. Prodıýser Gúlzıra Aıdarbekova áıeldіń jaǵdaıy operatsııa bastalmaı turyp nasharlaǵanyn aıtqan bolatyn. Al týystarynyń málіmetіnshe, klınıka qyzmetkerlerі onyń qaıtys bolǵanyn tek keshke qaraı habarlaǵan.

Osy oqıǵadan keıіn áleýmettіk jelіde atalǵan klınıkaǵa qatysty ózge de ólіm jaǵdaılary bolǵany jónіnde pіkіrler taraı bastady.

Sonymen qatar tanymal advokat Anna Chernova Qazaqstanda mundaı іster boıynsha jaýapkershіlіktіń jeńіldetіlgenіn aıtyp, kіnálіler naqty jaza almaýy múmkіn ekenіn boljady. Onyń pіkіrіnshe, kásіbı bіlіksіzdіk pen kúmándі klınıkalardyń máselesі elde barǵan saıyn ýshyǵyp barady.