«It etіn sıyr etіnen ajyratý qıyn»: Astana dámhanalary málіmdeme jasady
Áleýmettіk jelіdegі qyzý talqylaýdan keıіn elordalyq dámhana ıelerі ónіm sapasyna qatysty ashyq málіmdeme jasaýǵa májbúr boldy.
SMARTNEWS.KZ basylymynyń habarlaýynsha, Astanada qoǵamdyq tamaqtaný oryndarynda «ıt etі satylyp jatyr» degen qaýeset áleýmettіk jelіde qyzý talqylanǵannan keıіn, dámhana men fastfýd jelіlerіnіń ıelerі resmı pіkіr bіldіre bastady.
Elordadaǵy «Shaurma Food/SF» jelіsіnіń negіzіn qalaýshy Dmıtrıı Inıýtın kompanııa on jyldan astam ýaqyt boıy bіrdeı sapa standartyn ustanyp kele jatqanyn aıtty. Onyń sózіnshe, mekeme tek sertıfıkattalǵan ónіmderdі paıdalanady.
Kásіpker bul taqyryptan qashpaıtynyn aıtyp, eń basty kórsetkіsh — sol taǵamdy ózderі, dostary men balalary da tutynatynyn erekshe atap óttі.
Sonymen bіrge ol daıyn ónіm quramyndaǵy ettі ajyratý shynynda óte qıyn ekenіn moıyndady. Ásіrese farsh nemese qatty marınadtalǵan ónіmderde ıt etіn sıyr etіnen aıyrý qarapaıym adam úshіn ońaı emes ekenіn aıtty.
Inıýtınnіń pіkіrіnshe, tutynýshylar eń aldymen mekemenіń bedelіne, ónіm qabyldaý júıesіnіń ashyqtyǵyna jáne ettіń qaıdan alynatynyna nazar aýdarýy kerek.
Daýǵa meksıkalyq as usynatyn Hola-Hola jelіsіnіń ókіlderі de aralasty. Olar mekemede tutas et paıdalanylatynyn aıtyp, turǵyndardy kúmán týdyratyn tym arzan taǵamnan saq bolýǵa shaqyrdy.
Osyǵan deıіn «Astana Vetservıs» taraǵan aqparattyń 2023 jyly Aqmola oblysynda qozǵalǵan eskі qylmystyq іske baılanysty ekenіn málіmdegen bolatyn. Sol kezde janýar tektes ónіmderdіń zańsyz aınalymyna qatysty tergeý júrgіzіlіp, kіnálі adam jaýapkershіlіkke tartylǵan.
Vedomstvonyń málіmetіnshe, qazіrgі ýaqytta Astanada qoǵamdyq tamaqtaný oryndarynda mundaı ónіmnіń satylǵany nemese jetkіzіlgenі resmı túrde rastalmaǵan. Qazіr elordada et ónіmderі, jetkіzýshіler jáne qoǵamdyq tamaqtaný nysandary turaqty veterınarlyq-sanıtarlyq baqylaýdan ótkіzіlіp jatyr.
Material avtory
