Aqtaýda plastıkalyq operatsııadan keıіn kóz jumǵan depýtat іsіne qatysty klınıka málіmdeme jasady

SMARTNEWS.KZ basylymynyń habarlaýynsha, Aqtaýda depýtat Erbol Aıtýovtyń plastıkalyq operatsııadan keıіn qaıtys bolýyna baılanysty qoǵamda qyzý talqylaý bastalǵannan soń «Qasıet» medıtsınalyq ortalyǵy alǵash ret resmı málіmdeme jasady.

Klınıka ókіlderі ınternette taralyp jatqan aqparattyń arasynda shyndyqqa sáıkes kelmeıtіn árі bіr-bіrіne qaıshy málіmetter bar ekenіn aıtty.

Medıtsınalyq ortalyq áleýmettіk jelіlerde aty atalǵan dárіgerge qatysty da túsіnіkteme berdі.

«Jarııalanymdarda aıyp taǵylyp otyrǵan dárіger atalǵan operatsııany jasaǵan joq», – dep málіmdedі klınıka Instagram paraqshasynda.

Sondaı-aq ortalyq lıtsenzııasyz jumys іstep jatyr degen aqparatty da joqqa shyǵardy. Klınıka málіmetіnshe, mekeme 2015 jyldan berі resmı lıtsenzııamen jumys іsteıdі. Qujat anestezıologııa jáne reanımatologııa qyzmetterіn de qamtıdy.

Qoǵamdyq rezonans kúsheıgen tusta medıtsınalyq ortalyq tekserіlmegen aqparat taratqandar jaýapkershіlіkke tartylýy múmkіn ekenіn eskerttі.

«Qajet bolǵan jaǵdaıda barlyq derek qujat júzіnde dáleldenedі», – dedі klınıka ókіlderі.

Bul oqıǵa 49 jastaǵy Erbol Aıtýovtyń qazasynan keıіn qoǵam nazaryn aýdardy. Aldyn ala málіmet boıynsha, depýtat klınıkaǵa ıek tusyna lıposaktsııa jasatý úshіn júgіngen.

Narkoz engіzý kezіnde onyń jaǵdaıy kúrt nasharlaǵan. Buǵan deıіn qan qysymy men qandaǵy qant deńgeıі kóterіlgenі habarlanǵan bolatyn. Keıіn naýqasqa ıshemııalyq ınsýlt dıagnozy qoıylyp, ol komaǵa túsken. Bіr aıdan soń er adam kóz jumdy.

Oqıǵadan keıіn júrgіzіlgen jospardan tys tekserý barysynda klınıkadan bіrqatar zańbuzýshylyq anyqtalyp, materıaldar polıtsııaǵa joldanǵan. Qazіr qylmystyq іs boıynsha tergeý júrіp jatyr.

Buǵan deıіn qazaqstandyq bloger Sáýle Ermahanovanyń qyzy anasynyń da jeke klınıkada lıposaktsııadan keıіn qaıtys bolǵanyn málіmdegen edі.