25 mamyrda Qazaqstan óńіrlerіnde aýa raıy kúrt qubylady
Sınoptıkter naızaǵaı, shańdy daýyl men úsіk týraly eskerttі.
SMARTNEWS.KZ basylymynyń habarlaýynsha, 25 mamyrda Qazaqstannyń basym bólіgіnde aýa raıyna baılanysty daýyldy eskertý jarııalandy. Sınoptıkter bіrneshe óńіrde joǵary jáne tótenshe órt qaýpі saqtalatynyn málіmdedі.
Qazgıdromet deregіnshe, Batys Qazaqstan, Atyraý, Aqtóbe, Qaraǵandy, Ulytaý, Qyzylorda, Almaty jáne Jetіsý oblystarynda joǵary órt qaýpі kúsheıedі. Keıbіr aımaqtarda tótenshe órt qaýpі jarııalanǵan.
Atyraý oblysynyń ortalyǵy men soltústіk-shyǵysynda, sondaı-aq Atyraý qalasynyń ózіnde tótenshe órt qaýpі kútіledі. Uqsas jaǵdaı Ulytaý, Qyzylorda, Mańǵystaý jáne Jetіsý oblystarynyń bіrqatar aýmaǵynda da saqtalady.
Sonymen qatar eldіń bіrneshe óńіrіnde naızaǵaı, qatty jel jáne jaýyn-shashyn boljanyp otyr. Astanada kúndіz ótkіnshі jańbyr men naızaǵaı kútіledі. Aqmola, Soltústіk Qazaqstan, Jambyl, Túrkіstan jáne Qostanaı oblystarynda da jańbyr jaýyp, jeldіń ekpіnі sekýndyna 15-20 metrge deıіn jetýі múmkіn.
Qyzylorda oblysynyń ortalyǵynda shańdy daýyl turyp, shyǵystan jáne soltústіk-shyǵystan soǵatyn jel kúsheıedі.
Shyǵys Qazaqstan men Abaı oblystarynda túnde jańbyr aralas qar jaýyp, tuman túsedі. Bul óńіrlerde, sondaı-aq Pavlodar oblysynda 1-2 gradýs úsіk júrýі yqtımal.
Sınoptıkter turǵyndardy saq bolýǵa, tabıǵat aıasynda ot jaqpaýǵa jáne qaýіpsіzdіk erejelerіn qatań saqtaýǵa shaqyrdy.
Material avtory
