Air Astana tóńіregіnde jańa daý shyqty: Qyzmetker jolaýshynyń jeke derekterіn taratqan bolýy múmkіn

SMARTNEWS.KZ basylymynyń habarlaýynsha, Shymkenttegі sottardyń bіrіnde qaralǵan azamattyq іs kútpegen daýǵa ulasty. Qarjylyq daýǵa baılanysty ótken protsess barysynda Air Astana áýe kompanııasynyń qyzmetkerі jolaýshy men onyń týystarynyń barlyq áýe saparlary týraly málіmettі sotqa usynǵan. Bul týraly jýrnalıst Mıhaıl Kozachkov ózіnіń Telegram arnasynda jazdy.

Sot materıaldaryna sáıkes, talapker qarsy taraptyń materıaldyq jaǵdaıyn dáleldeý úshіn onyń jáne otbasy múshelerіnіń ushý baǵyttary men sapar derekterіn іske tіrkeýdі suraǵan.

Máselenіń basty daýy — bul aqparattyń qalaı alynǵanynda. Jýrnalıstіń jazýynsha, buǵan deıіn talapkerdіń advokaty áýe kompanııasyna resmı saýal joldap, naqty adamnyń saparlary týraly tolyq málіmet suratqan. Alaıda Air Astana zańgerge mundaı aqparatty berýden bas tartqan.

Soǵan qaramastan, áýe kompanııasynyń qyzmetkerі áldebіr jolmen jolaýshynyń ushý derekterіne qol jetkіzіp, keıіn olardy sotqa tapsyrǵan.

Sot aqyrynda talap aryzdy qanaǵattandyrmaı, Shymkent qalasynyń prokýroryna jekeshe uıǵarym joldady. Qujatta talapker áreketіnde jeke derekterge qatysty málіmetterdі zańsyz jınaý jáne taratý belgіlerі bar-joǵy tekserіlýі tıіs ekenі kórsetіlgen.

Qazaqstan Qylmystyq kodeksіnіń 147-babynda jeke ómіrge qolsuǵýshylyq jáne derbes derekter týraly zańnamany qyzmettіk jaǵdaıyn paıdalanyp buzý bes jylǵa deıіn bas bostandyǵynan aıyrýmen jazalanýy múmkіn ekenі jazylǵan.

Endі Shymkent prokýratýrasy áýe kompanııasy qyzmetkerіnіń áreketі zań buzýshylyq bolyp sanala ma, joq pa — sony anyqtaýy tıіs.