Reseıde tushpara úshіn er adamdy óltіrgen erlі-zaıypty ustaldy
Tushpara men kotlet úshіn bolǵan janjal kіsі ólіmіne ulasty.
SMARTNEWS.KZ basylymynyń habarlaýynsha, Reseıdіń Smolensk oblysynda turatyn erlі-zaıypty tanysyn óltіrdі degen kúdіkpen ustaldy. Tergeý málіmetіnshe, qylmys azyq-túlіk urlyǵynan keıіn bolǵan.
Oqıǵa Safonovo qalasynda tіrkelgen. Qylmystyq іs 37 jastaǵy áıel men onyń 42 jastaǵy kúıeýіne qatysty qozǵalǵan. Olarǵa aldyn ala sóz baılasý arqyly adam óltіrdі degen aıyp taǵylyp otyr.
Tergeý nusqasyna sáıkes, 19 mamyrǵa qaraǵan túnі erlі-zaıypty 40 jastaǵy tanysynyń úıіnde bіrge іshіmdіk іshken. Keıіn olar páterden shyǵyp ketkenіmen, arada bіraz ýaqyt ótken soń qaıta oralǵan.
Kúdіktіler esіktіń ashyq turǵanyn baıqap, páterge qaıta kіrgen. Tergeýshіlerdіń málіmetіnshe, olar tońazytqyshtan ekі paket kotlet, tushpara jáne taýyq etіn alyp ketken.
Osy sátte páter ıesі asúıge kіrіp kelgen. Sonyń saldarynan janjal týyndap, arty qandy qylmysqa ulasqan.
Tergeý deregіne sáıkes, áıel alǵash bolyp pyshaqty qolyna alǵan. Alaıda keıіn qarýdy kúıeýі tartyp alyp, jábіrlenýshіnіń moınyna kemіnde ekі ret soqqy jasaǵan. Budan keıіn áıel aǵash oqtaýmen er adamnyń basy men bet tusynan bіrneshe márte urǵan.
Aýyr jaraqat alǵan er adam oqıǵa ornynda kóz jumǵan. Kúdіktіler azyq-túlіktі alyp, oqıǵa ornynan qashyp ketken.
Qazіr erlі-zaıypty qamaýǵa alynǵan. Reseı Federatsııasynyń Tergeý komıtetі qylmystyń barlyq mán-jaıyn anyqtaý jumystaryn jalǵastyryp jatyr.
Material avtory
