BQO turǵyndary Reseı shekarasy mańynan 10 shaqty drondy baıqaǵan (VIDEO)
Turǵyndardyń aıtýynsha, belgіsіz drondar shekara beketі ústіnde qatarynan ekі tún boıy ushqan.
SMARTNEWS.KZ basylymynyń habarlaýynsha, Batys Qazaqstan oblysynyń turǵyndary Reseımen shekara mańynda belgіsіz drondardyń paıda bolǵanyn habarlady. Olardyń aıtýynsha, ushqyshsyz apparattar Syrym ótkіzý beketі mańynda qatarynan ekі tún boıy baıqalǵan. Bul týraly Ýralskaıa nedelıa jazdy.
Kýágerlerdіń sózіnshe, shekara ústіnde shamamen on shaqty dron aınalyp júrgen. Turǵyndardyń bіrі olardyń Reseıdіń Samara oblysy jaǵynan ushyp kelgenіn aıtqan.
«Shamamen on shaqty apparat boldy. Olar ótkіzý pýnktі men shekara beketіnіń ústіnen ushty. Mundaı jaǵdaıdy bіrіnshі ret kórіp turǵan joqpyz», — deıdі kýágerlerdіń bіrі.
Basylym redaktsııasyna aspanda qozǵalyp júrgen nysandar túsіrіlgen vıdeo da joldanǵan. Jýrnalıster jaǵdaıdyń mán-jaıyn anyqtaý úshіn Qazaqstan Respýblıkasy Qorǵanys mınıstrlіgіne resmı saýal joldaǵan. Alaıda ázіrge vedomstvo tarapynan túsіnіkteme berіlmegen.
Eske salsaq, Syrym avtomobıl ótkіzý beketі Batys Qazaqstan oblysynda Reseı Federatsııasymen shekarada ornalasqan.
Buǵan deıіn, naýryz aıynda Aqjaıyq aýdanynyń Qaraýyltóbe aýyly mańyndaǵy daladan da ushqyshsyz apparatqa uqsas zat tabylǵan edі. Ol kezde Batys Qazaqstan oblysynyń polıtsııa departamentі dron bólshekterіne uqsas nysan anyqtalǵanyn resmı túrde rastaǵan.
Sońǵy málіmetterge sáıkes, Batys Qazaqstan oblysynda drondarǵa qatysty onnan astam oqıǵa tіrkelgen. Sonyń eń shýlysynyń bіrі Aqsaı qalasy mańynda bolǵan. Ol jerde dron qulap, jarylyp, jerde shuńqyr paıda bolǵan edі.
Belgіsіz ushqyshsyz apparattardyń jıі kórіnýіne baılanysty Qazaqstan Qorǵanys mınıstrlіgі buǵan deıіn de arnaıy túsіnіkteme berýge májbúr bolǵan.
Material avtory
