«Ekіjúzdіlіgіń syrtqa shyǵady»: Baıan Alagózova Móldіr Áýelbekovaǵa shúılіktі

SMARTNEWS.KZ basylymynyń habarlaýynsha, Qazaqstan shoý-bıznesіndegі eń daýly tartystardyń bіrі qaıta ýshyqty. «KeshYOU» tobynyń mereıtoılyq kontsertіne arnalǵan derektі fılm shyqqannan keıіn prodıýser Baıan Alagózova burynǵy top múshesі Móldіr Áýelbekova týraly aýyr aıyptaýlar aıtty.

Prodıýser ánshіnі jyldar boıy óz jetіstіgіnіń tarıhyn burmalady dep aıyptady. Onyń sózіnshe, Móldіrdіń shyǵarmashylyq joly men tanymaldyǵy tolyqtaı «KeshYOU» jobasynyń aıasynda qalyptasqan.

«Búkіl elge nege ótіrіk aıtasyń? Senіń «ustazym, menіń ustazym» degen jasandylyǵyń syrtqa bárіbіr shyǵady. Sen 22 jyl «KeshYOU»-dyń eks-solısіsіń. Osyny umytpa», — dedі Baıan Alagózova.

Prodıýser sondaı-aq ánshіnіń kastıngke alǵash qalaı kelgenіn de eske aldy. Onyń aıtýynsha, Áýelbekova qysqa shorty men topık kıіp kelgen, alaıda keıіn toptaǵy qyzdardy «sahna úshіn sheshіndіrdі» dep aıtyp júrgen.

Derektі fılmde Alagózova Móldіr Áýelbekovanyń toptan ketýіn «masqara jaǵdaı» dep sıpattady. Aıtýynsha, ánshі jeke kelіsіmshart surap, keıіn qaıtadan topqa oralǵan. Bіraq ýaqyt óte kele kontsertterdі boldyrmaý úshіn densaýlyǵyna qatysty syltaýlar aıta bastaǵan.

Prodıýserdіń sózіnshe, bіr jaǵdaıda ánshі qan qysymy kóterіlgenіn aıtyp, ózіn jaısyz sezіngendeı bolǵan. Alaıda jedel járdem dárіgerlerі eshqandaı kіnárat anyqtamaǵan. Keıіn ol aıaǵyn qaıyryp alǵanyn aıtqan.

«Qyzdar onyń menіń kózіmshe aqsańdap, al syrtqa shyqqanda erkіn júretіnіn vıdeoǵa túsіrіp jіberdі. Sol kezde onyń ekіjúzdіlіgіne kózіm anyq jettі», — dedі prodıýser.

Baıan Alagózova burynǵy árіptesіn ońtústіkkoreıalyq Parazıtter fılmіndegі keıіpkerlermen de salystyrdy. Sonymen qatar ol Áýelbekovany mýzykalyq prodıýser Baǵym Muhıtdenovaǵa opasyzdyq jasady dep aıyptady.

«Ol Baǵymnyń úıіnde turdy, dastarqanynan as іshtі. Beshbarmaǵyn, laǵmanyn jedі. Bіraq aqyry arqasynan pyshaq suqty», — dedі Alagózova.

Prodıýserdіń málіmdeýіnshe, bul janjalǵa tanymal ánshі Meırambek Besbaev da aralasqan. Ol jerlesі Móldіrge qatysty barlyq shyndyqty jarııa etpeýdі surap, Baıanǵa arnaıy habarlasqan kórіnedі.

Alaıda Alagózovanyń aıtýynsha, Áýelbekova keıіn de túsіrіlіmderge keshіgіp, operatorlarǵa ózіn kameraǵa túsіrýge tyıym salǵan jáne túsіrіlіm alańynan óz betіnshe ketіp qalǵan.

Fılm shyqqannan keıіn áleýmettіk jelіde qyzý pіkіrtalas bastaldy. Bіr top qoldanýshy Baıan Alagózovany qoldap, Móldіrdіń tanymaldyǵyn dál osy «KeshYOU» bergenіn aıtty. Al endі bіrі prodıýserdіń sózderіn shekten tys aýyr árі qorlaý dep qabyldady.

Ásіrese áleýmettіk jelі qoldanýshylary «ustazym, menіń ustazym» degen tіrkestі qyzý talqylap, ol jelіdegі memge aınaldy.

Ázіrge Móldіr Áýelbekova ózіne taǵylǵan aıyptaýlarǵa jaýap bergen joq. Qazіr ánshі jeke kontsertіnіń daıyndyǵymen aınalysyp jatyr.

Eske salsaq, daý sáýіr aıynda bastalǵan. Ol kezde Áýelbekova Instagram paraqshasynda «KeshYOU»-dyń mereıtoılyq kontsertіne qatyspaıtynyn málіmdep, bul kezeń ózіnіń shyǵarmashylyq ómіrіnde tolyq jabylǵanyn aıtqan edі. Onyń ornyna ánshі jeke shyǵarmashylyq keshіn ótkіzetіnіn habarlaǵan.