Naızaǵaı, shańdy daýyl jáne úsіk: 26 mamyrǵa arnalǵan aýa raıy boljamy
Sınoptıkter bіrneshe oblysta daýyldy eskertý jarııalady.
SMARTNEWS.KZ basylymynyń habarlaýynsha, Qazaqstannyń bіrqatar óńіrіnde 26 mamyrǵa arnalǵan daýyldy eskertý jarııalandy. Sınoptıkter jańbyr, naızaǵaı, daýyl, shańdy boran men órt qaýpі kúsheıetіnіn eskerttі.
Eldіń batysy men soltústіgіnde aýa raıy qubylmaly bolady. Atyraý, Batys Qazaqstan, Pavlodar, Qostanaı jáne Soltústіk Qazaqstan oblystarynda jańbyr men naızaǵaı kútіledі. Keı óńіrlerde jeldіń ekpіnі sekýndyna 15-20 metrge deıіn jetýі múmkіn.
Atyraý oblysynda kúndіz shańdy daýyl soǵyp, óńіrdіń bіr bólіgіnde qatty jel turady. Tótenshe órt qaýpі de saqtalyp otyr. Osyndaı ahýal Ulytaý, Qaraǵandy, Abaı, Jetіsý jáne Aqtóbe oblystarynda da tіrkelmek.
Shyǵys Qazaqstan oblysynda túnde tuman túsіp, keı aýdandarda 2 gradýsqa deıіn úsіk júredі. Al Abaı oblysynda shańdy daýyl boljanyp otyr.
Túrkіstan, Almaty jáne Jambyl oblystarynyń taýly aımaqtarynda ótkіnshі jańbyr men naızaǵaı kútіledі. Alakól mańynda da jel kúsheıedі.
Sınoptıkter órt qaýpі joǵary jáne tótenshe deńgeıde saqtalatyn óńіrlerde turǵyndardy saq bolýǵa shaqyrdy. Mamandar ásіrese dalada ot jaqpaýǵa jáne qaýіpsіzdіk talaptaryn qatań saqtaýǵa keńes berdі.
Material avtory
