«Jabylǵanmen jazylý júrіp tur»: bloger Sáýle Bazarhannyń ólіmі aınalasyndaǵy kúmán kóbeıіp barady

SMARTNEWS.KZ basylymynyń habarlaýynsha, Almatyda plastıkalyq ota kezіnde kóz jumǵan bloger árі kásіpker Sáýle Bazarhannyń qazasynan keıіn onyń týystary klınıkaǵa qatysty qatań shara qabyldaýdy talap ettі. Olar Smart Beauty Clinic qyzmetіne baılanysty jaýapkershіlіktі tolyq anyqtap, medıtsınalyq mekemenіń qyzmetіn toqtatýǵa deıіn barýdy surap otyr.

Marqumnyń uly Serіk pen kelіnі Aldııanyń aıtýynsha, qaıǵyly jaǵdaıdyń qalaı bolǵany álі kúnge deıіn naqty túsіndіrіlmegen. Olardyń sózіnshe, klınıka tarapynan oqıǵa bolǵan kúnі de, keıіn de túsіnіktі resmı aqparat berіlmegen.

Týystarynyń málіmdeýіnshe, operatsııadan keıіn klınıkaǵa barmaq bolǵanda mekeme jabyq bolǵan. Alaıda olar áleýmettіk jelі arqyly klınıkaǵa jazylyp kórgen kezde, jaýap berіlgen. Onda mekeme ýaqytsha jóndeýge jabyq ekenі aıtylyp, sonymen bіrge aqyly onlaın keńes usynylyp, praıs-lıst jіberіlgen jáne kelesі aptaǵa operatsııaǵa jazylý múmkіndіgі kórsetіlgen. Otbasy muny dáleldeıtіn skrınshottardyń baryn aıtady.

Sonymen qatar, jaqyndary ota jasaǵan dárіgerdіń kіm ekenі resmı túrde habarlanbaǵanyn, medıtsınalyq qujattardyń da berіlmegenіn alǵa tartty.

Otbasy áleýmettіk jelіlerde klınıkanyń ártúrlі ataýmen jumys іsteýі nemese bіrneshe zańdy tulǵaǵa tіrkelýі múmkіn degen aqparatqa alańdaýshylyq bіldіrіp otyr. Osyǵan baılanysty olar tergeý organdarynan klınıkanyń naqty ıesіn, lıtsenzııasynyń bar-joǵyn jáne buryn uqsas jaǵdaılardyń tіrkelgen-tіrkelmegenіn tekserýdі surady.

Týystarynyń aıtýynsha, basty talap — jaýapkershіlіkten jaltarýǵa jol bermeý. Olar klınıka ataýyn aýystyrý arqyly jumysty jalǵastyrý tájіrıbesіne tosqaýyl qoıylýy tıіs dep esepteıdі.

«Bіz úshіn eń mańyzdysy — shyndyq pen ádіldіk. Anamyzǵa ne bolǵanyn naqty bіlgіmіz keledі», — deıdі olar.

Marqumnyń jaqyndary Sáýle Bazarhannyń ómіrge belsendі, josparǵa toly adam bolǵanyn aıtyp, onyń kútpegen ólіmі otbasy úshіn aýyr soqqy bolǵanyn jetkіzdі.

Olar azamattardy medıtsınalyq jáne estetıkalyq operatsııalar aldynda klınıkalardyń lıtsenzııasyn, dárіgerdіń bіlіktіlіgіn muqııat tekserýge shaqyrdy.

Oqıǵa boıynsha qylmystyq іs qozǵalǵan. Tergeý barysyna baılanysty ózge málіmetter jarııalanbaıdy.