Qazaqstan azamattyǵyn satyp almaq bolǵan sheteldіk aqshasynan aıyrylyp qaldy
Polıtsııa kúdіktіnіń osyǵan uqsas іsterge de qatysy bar-joǵyn tekserіp jatyr.
SMARTNEWS.KZ basylymynyń habarlaýynsha, Astanada polıtsııa qyzmetkerlerі shetel azamatyn Qazaqstan azamattyǵyn rásіmdep beremіn degen ýádemen aldaǵan shemaǵa tosqaýyl qoıdy. Bul týraly qalalyq polıtsııa departamentі habarlady.
Resmı málіmetke sáıkes, 23 jastaǵy er adam sheteldіk azamatqa Qazaqstan Respýblıkasynyń azamattyǵyn alýǵa kómektesetіnіn aıtyp, onyń senіmіne kіrgen. Keıіn ol qujattardy rásіmdeýge járdem beremіn degen jeleýmen aqsha alǵan.
Alaıda ýáde etіlgen qyzmet kórsetіlmegen. Tergeý derekterіne sáıkes, alynǵan qarajat jeke qajettіlіkterge jumsalǵan.
Oqıǵa saldarynan jábіrlenýshіge 300 myń teńge kólemіnde materıaldyq shyǵyn kelgenі belgіlі boldy.
Qazіrgі ýaqytta atalǵan faktі boıynsha sotqa deıіngі tergeý júrgіzіlіp jatyr. Sonymen qatar kúdіktіnіń osyndaı sıpattaǵy basqa da qylmystarǵa qatysy bar-joǵy tekserіlýde.
Polıtsııa azamattardy saq bolýǵa shaqyryp, azamattyq rásіmdeý jáne qujattandyrý máselelerі tek memlekettіk organdar arqyly júzege asyrylýy tıіs ekenіn eskerttі.
Material avtory
