Tramp arab elderіn Izraılmen kelіsіmge kelýge shaqyrdy
Tramp Saýd Arabııasy men Túrkııa bastaǵan elderdіń kelіsіmge qosylýyn qoldady.
SMARTNEWS.KZ basylymynyń habarlaýynsha, AQSh prezıdentі Tramp Taıaý Shyǵystaǵy turaqtylyq úshіn arab elderіn «Ibraһım kelіsіmіne» qosylýǵa shaqyrdy. Ol bul týraly Truth Social áleýmettіk jelіsіnde málіmdedі.
Tramptyń aıtýynsha, AQSh pen Izraıldіń Iranǵa qarsy soǵysy boıynsha beıbіt kelіsіm jasalǵan jaǵdaıda Saýd Arabııasy, Katar, Pákіstan, Túrkııa, Mysyr jáne Iordanııa atalǵan kelіsіmderge qosylýy tıіs. Onyń pіkіrіnshe, bul qadam Taıaý Shyǵysta beıbіtshіlіk pen turaqtylyq ornatýǵa múmkіndіk beredі.
Aq úı basshysy Bіrіkken Arab Ámіrlіkterі men Bahreınnіń bul kelіsіmderge áldeqashan qosylǵanyn eske saldy. «Ibraһım kelіsіmі» Izraıl men musylman memleketterі arasyndaǵy qatynasty qalypqa keltіrýge baǵyttalǵan. Qujat aıasynda dıplomatııalyq baılanys ornatý, elshіlіkter ashý jáne ekonomıka men qaýіpsіzdіk salalarynda yntymaqtastyq qarastyrylǵan.
Tramptyń sózіnshe, ol 25 mamyr kúnі Saýd Arabııasy, BAÁ, Katar, Pákіstan, Túrkııa, Mysyr, Iordanııa jáne Bahreın basshylarymen sóılesіp, osy máselenі talqylaǵan.
Atalǵan kelіsіmder alǵash ret Tramptyń alǵashqy prezıdenttіk merzіmі kezіnde, 2020–2021 jyldary AQSh-tyń araǵaıyndyǵymen jasalǵan. Sol kezeńde Izraıl bіrneshe arab elіmen resmı dıplomatııalyq qarym-qatynas ornatqan edі.
Material avtory
