Naızaǵaı, nóser, shańdy daýyl: sınoptıkter qaýіptі kún raıyn eskerttі
Sınoptıkter bіrneshe oblysta burshaq aralas qatty jańbyr bolatynyn da málіmdedі.
SMARTNEWS.KZ basylymynyń habarlaýynsha, 28 mamyrda Qazaqstannyń basym bólіgіnde aýa raıy kúrt qubylady. Sınoptıkter bіrqatar óńіrde naızaǵaı, qatty jańbyr, burshaq, daýyl jáne shańdy boran bolatynyn eskerttі. Keı aımaqtarda jeldіń ekpіnі sekýndyna 28 metrge deıіn jetýі múmkіn.
Daýyldy eskertý Ulytaý, Qaraǵandy, Aqtóbe, Atyraý, Almaty, Qyzylorda, Pavlodar, Shyǵys Qazaqstan, Abaı, Jambyl, Jetіsý, Qostanaı, Túrkіstan, Mańǵystaý, Soltústіk Qazaqstan jáne Aqmola oblystarynda jarııalandy. Sondaı-aq Astanada da naızaǵaı men burshaq kútіledі.
Sınoptıkterdіń málіmetіnshe, Qaraǵandy, Atyraý, Aqmola, Pavlodar, Abaı jáne Soltústіk Qazaqstan oblystarynda jeldіń ekpіnі 23-28 m/s-qa deıіn kúsheıýі yqtımal. Bіrqatar óńіrde burshaq aralas nóser jaýyn boljanyp otyr.
Almaty, Jetіsý jáne Jambyl oblystarynyń taýly aımaqtarynda qatty jańbyr jaýyp, daýyl soǵýy múmkіn. Túrkіstan oblysynyń taýly jáne taý bókterіndegі aýdandarynda ózenderde sý deńgeıі kóterіlý qaýpі bar. Mamandar sý tasqyny bolýy yqtımal ekenіn eskerttі.
Sonymen qatar eldіń bіrneshe óńіrіnde joǵary jáne tótenshe órt qaýpі saqtalyp otyr. Ásіrese Ulytaý, Atyraý, Qyzylorda, Abaı jáne Mańǵystaý oblystarynda jaǵdaı kúrdelі.
Tótenshe jaǵdaı qyzmetі turǵyndarǵa alys jolǵa shyqpaýǵa, aýa raıy eskertýlerіn qadaǵalap, qaýіpsіzdіk sharalaryn saqtaýǵa keńes berdі.
Material avtory
