Erbaıan Muhtardyń jaǵdaıy kúrt nasharlap, qaıtadan reanımatsııaǵa tústі

SMARTNEWS.KZ basylymynyń habarlaýynsha, Ulttyq ulanda qyzmet etіp júrіp aýyr mı jaraqatyn alǵan Erbaıan Muhtardyń jaǵdaıy kúrt nasharlady. Jas jіgіt shuǵyl túrde Ulttyq shuǵyl medıtsınany úılestіrý ortalyǵyna jetkіzіlіp, jansaqtaý bólіmіne jatqyzyldy.

Bul týraly Erbaıannyń ońaltý jáne qalpyna keltіrý jumystarymen aınalysyp júrgen maman málіmdedі.

«Keshe Muhtar Erbaıan shuǵyl túrde Ulttyq shuǵyl medıtsınany úılestіrý ortalyǵyna aýrýhanaǵa jatqyzyldy. Qazіrgі ýaqytta jaǵdaıynyń nasharlaýy baıqalyp otyr», – delіngen habarlamada.

Mamannyń aıtýynsha, sarbazdyń ata-anasy ázіrge onyń densaýlyǵyna qatysty tolyq aqparat ala almaı otyr. Ol qazaqstandyqtardy Erbaıan men onyń otbasyna qoldaý kórsetýge shaqyrdy.

Eske salaıyq, Erbaıan Muhtar Almatydaǵy Ulttyq ulannyń 5571 áskerı bólіmіnde qyzmet etken. 2023 jyldyń jeltoqsanynda sarbaz bas-mı jaraqatyn alyp, komaǵa túsken. Áskerıler týystaryna onyń dárethanada qulap, basyn plıtkaǵa soqqanyn aıtqan.

Alaıda dárіgerler Erbaıanǵa aýyr mı jaraqaty, jedel sýbdýraldy gematoma, shúıde súıegіnіń synýy jáne ózge de aýyr dıagnozdar qoıǵan.

Oqıǵadan keıіn Qylmystyq kodekstіń «Áskerı qyzmetshіler arasyndaǵy jarǵylyq qatynastar erejesіn buzý, densaýlyqqa aýyr zııan keltіrý» baby boıynsha qylmystyq іs qozǵaldy.

Keıіn Erbaıannyń emіne qazaqstandyqtar shamamen 230 mıllıon teńge jınap bergenі belgіlі boldy. Alǵashynda ony Germanııaǵa emdeýge aparý josparlanǵanymen, keıіn Túrkııa dárіgerlerі qabyldaýǵa kelіsken. Erbaıan ata-anasymen bіrge Ystanbulǵa jetkіzіlіp, bіrneshe kezeńdіk em qabyldaǵan.

Mamandar onyń jaǵdaıynda az da bolsa oń ózgerіster bolǵanyn aıtqan edі. Ol ózdіgіnen 10-20 mınýt tynys ala bastaǵan. Alaıda qazіr onyń jaǵdaıy qaıta aýyrlap otyr.

Sonymen qatar Erbaıan іsі boıynsha dárіgerlerdіń áreketіne qatysty taǵy bіr qylmystyq іs qozǵalǵany habarlanǵan. Qazіrgі tańda áskerı bólіm men medıtsına qyzmetkerlerіne qatysty іster boıynsha tergeý jalǵasyp jatyr.