Mıhaıl Shaıdorovqa nege bes aı jalaqy tólenbegenі belgіlі boldy

SMARTNEWS.KZ basylymynyń habarlaýynsha, Mılan Olımpıadasynyń chempıony Mıhaıl Shaıdorovty qarjylandyrýǵa qatysty jaǵdaıǵa Qazaqstannyń Týrızm jáne sport mınıstrlіgі túsіnіkteme berdі.

Vedomstvo ókіlderі mánerlep syrǵanaýshynyń jańa kelіsіmsharty qazіr kelіsý satysynda turǵanyn málіmdedі.

Buǵan deıіn Mıhaıl Shaıdorov suhbattarynyń bіrіnde Mılandaǵy Olımpıadadan keıіn ózіne jáne jattyqtyrýshylar quramyna bes aı boıy jalaqy tólenbegenіn aıtqan edі. Sondaı-aq 1 aqpannan berі dárіgerlіk qoldaýsyz qalǵanyn jetkіzgen.

Osydan keıіn Sportty damytý dırektsııasy resmı málіmdeme jasap, jaǵdaıdyń quqyqtyq árі qarjylyq qyrlaryn túsіndіrýge tyrysty.

«Bіzdіń basty mіndetіmіz — Olımpıada chempıonyna daıyndyq úshіn barynsha qolaıly jaǵdaı jasaý. Sportshyny jan-jaqty qoldaý — ózgermeıtіn basymdyq», — dedі vedomstvo ókіlderі.

Dırektsııanyń málіmetіnshe, 2026 jyldyń qańtar jáne aqpan aılaryndaǵy jalaqy tolyq kólemde tólengen. Al naýryzdan bastap jańa olımpıadalyq tsıklge baılanysty jańa eńbek kelіsіmshartyn jasaý josparlanǵan.

Vedomstvo jańa qujatta sportshynyń mártebesіne saı qarjylandyrý sharttary aıtarlyqtaı jaqsartylǵanyn atap óttі. Alaıda taraptar zańdyq máselelerdі kelіsіp jatqandyqtan, kelіsіmshartqa qol qoıý protsesі sozylyp ketken. Qujat rásіmdelgennen keıіn tólemder qaıta bastalatyny habarlandy.

Sondaı-aq mınıstrlіk jańa kelіsіmdegі tıіmdіlіk kórsetkіshterіne qatysty syn-pіkіrlerge de jaýap berdі.

«Bul — joǵary jetіstіkter sporty úshіn qalypty halyqaralyq tájіrıbe. Ulybrıtanııa, Germanııa, Aýstralııa, Ońtústіk Koreıa syndy elderde osyndaı júıe qoldanylady. Memleket sportshyǵa tolyq jaǵdaı jasap, esesіne joǵary nátıje kútedі», — dep túsіndіrdі dırektsııa.

Budan bólek, vedomstvo memleket Mıhaıl Shaıdorovtyń Olımpıadadaǵy jeńіsі úshіn berіletіn barlyq marapattardy tolyq oryndaıtynyn málіmdedі.

Olımpıada chempıonyna 250 myń dollar kólemіnde aqshalaı syıaqy, Almatydan úsh bólmelі páter jáne ómіr boıǵy aı saıynǵy memlekettіk tólem qarastyrylǵan.

Dırektsııa qazіr sportshy jáne onyń komandasymen kelіssóz jalǵasyp jatqanyn aıtyp, barlyq quqyqtyq másele jaqyn ýaqytta sheshіletіnіne senіm bіldіrdі.

Eske salaıyq, Mıhaıl Shaıdorov 14 aqpanǵa qaraǵan túnі Mılan–Kortınadaǵy XXV qysqy Olımpıada oıyndarynda erkіn baǵdarlamamen óner kórsetіp, Qazaqstan tarıhyndaǵy mánerlep syrǵanaýdan alǵashqy Olımpıada altynyn jeńіp alǵan edі.

Prezıdent Qasym-Jomart Toqaev sportshyny tarıhı jeńіsіmen quttyqtap, ony II dárejelі «Barys» ordenіmen marapattaý týraly sheshіm qabyldaǵan bolatyn.