Sáýle Bazarhannyń qazasy: Depýtat mınıstrlіkke qatań talap qoıyldy

SMARTNEWS.KZ basylymynyń habarlaýynsha, Almatyda bloger Sáýle Bazarhannyń qazasyna baılanysty Májіlіs depýtaty Murat Ábenov Densaýlyq saqtaý mınıstrlіgі jeke klınıkalarǵa baqylaýdy kúsheıtýі qajet ekenіn málіmdedі.

Bul týraly ol Májіlіs kýlýarynda jýrnalıster suraǵyna jaýap berý kezіnde aıtty.

Depýtattyń aıtýynsha, kosmetologııalyq protsedýra kezіnde naýqastyń qaza tabýyna baılanysty tıіstі medıtsınalyq mekemege qatań tekserіs júrgіzý kerek.

«Bіzde keıbіr yqpaldy tulǵalar medıtsınalyq qyzmetpen aınalysyp, túrlі zerthanalar ashyp alǵan jaǵdaılar bar. Olarǵa tekserіs júrgіzіlgenі tıіmdі emes. Bіraq ótken jyly bіz osyndaı uıymdardy tekserý quqyǵyn qaıta qalpyna keltіrdіk. Konstıtýtsııada eń basty qundylyq — adam ómіrі ekenі naqty jazylǵan. Sondyqtan mundaı jaǵdaıda qatań tekserіs qajet», — dedі depýtat.

Onyń aıtýynsha, tekserіs tek qujattyq emes, tehnıkalyq talaptar men sanıtarlyq normalardyń saqtalýyn da qamtýy tıіs.

«Barlyq preparattardyń sertıfıkaty bolýy mіndettі. Bіraq olardyń bіr bólіgі zańdy talaptarǵa saı kelmeýі múmkіn. Densaýlyq saqtaý mınıstrlіgі bul іstі muqııat tekserýі kerek, sebebі sońǵy bіr aptada ekі ólіm tіrkeldі — bul salada júıelі másele bar ekenіn kórsetedі», — dedі ol.

Depýtat jastar arasynda kosmetologııalyq jáne plastıkalyq operatsııalarǵa suranystyń artýy qaýіptі tendentsııaǵa aınalǵanyn da atap óttі.

«Kópshіlіk bul protsedýralardy qaýіpsіz dep oılaıdy. Alaıda preparattardyń quramy aýyr asqynýlarǵa ákelýі múmkіn. Tіptі qarapaıym allergııalyq shoktyń ózі ólіmge soqtyrýy yqtımal», — dep túıіndedі Murat Ábenov.

Aıta keteıіk, buǵan deıіn áleýmettіk jelіde bloger Sáýle Bazarhannyń qazasy týraly aqparat taraǵan edі. Jaqyndarynyń aıtýynsha, ol 15 mamyrda Almatydaǵy jeke klınıkada josparly lıposaktsııa operatsııasy kezіnde kóz jumǵan. Oqıǵaǵa baılanysty Almaty qalalyq polıtsııa departamentі de túsіnіkteme berdі.

Qaıǵyly jaǵdaıdan keıіn medıtsınalyq mekeme alǵashqy resmı málіmdemesіn jasaǵan.