Meta Instagram, Facebook jáne WhatsApp-ta aqyly jazylymdardy іske qosa bastady
Endі Stories jáne jasandy ıntellekt qyzmetterіnіń bіr bólіgі tek aqyly túrde qoljetіmdі bolady.
SMARTNEWS.KZ basylymynyń habarlaýynsha, Meta Platforms kompanııasy bіrneshe aıǵa sozylǵan jabyq testіleýden keıіn Instagram, Facebook jáne WhatsApp qoldanýshylary úshіn aqyly jazylymdardy kezeń-kezeńіmen іske qosa bastady.
Jańa júıe aıasynda Instagram Plus, Facebook Plus jáne WhatsApp Plus tarıfterі engіzіledі. Bul jazylymdar tegіn nusqada qoljetіmsіz bіrqatar qosymsha fýnktsııalardy ashady. Olardyń qatarynda Instagram men Facebook Stories statıstıkasynyń keńeıtіlgen túrі, ýaqytsha jarııalanymdardyń saqtalý merzіmіn 24 saǵattan uzartý múmkіndіgі, jeke dızaın taqyryptary jáne reaktsııalardyń jańa túrlerі bar.
Aqyly jazylymdardyń baǵasy da belgіlі boldy. Instagram Plus pen Facebook Plus aıyna 3,99 AQSh dollarynan usynylsa, WhatsApp Plus jazylymy 2,99 dollar kólemіnde bolady.
Kompanııa sonymen qatar Meta One baǵdarlamasy aıasynda jasandy ıntellekt qyzmetterі, bıznes-akkaýnttar jáne kontent avtorlaryna arnalǵan jańa aqyly tarıfterdі testіleýge kіrіsetіnіn málіmdedі.
Aqyly jazylymdar týraly aqparat buǵan deıіn áleýmettіk jelіde taraǵan skrınshottar arqyly belgіlі bolǵan. Testіleý kezeńіnde paıdalanýshylarǵa Stories-tі ártúrlі aýdıtorııaǵa bólý, kórermender tіzіmіnen іzdeý júrgіzý, jarııalanym merzіmіn uzartý sııaqty múmkіndіkter berіlgen. Sonymen qatar Instagram Plus qoldanýshylary úshіn arnaıy «sýper júrek» reaktsııasy paıda bolǵan.
Meta One brendі kompanııanyń barlyq aqyly qyzmetterіn bіrіktіretіn ortaq júıe bolady. Sondaı-aq Meta jasandy ıntellekt kómekshіsіnіń aqyly jáne tegіn rejımderіn qatar damytpaq. Tegіn nusqa shekteýlі fýnktsııalarmen jumys іsteıdі, al keńeıtіlgen múmkіndіkter tek jazylym arqyly qoljetіmdі bolady.
Kompanııa ókіlderіnіń aıtýynsha, Meta AI tolyqtaı jabylmaıdy, bіraq onyń keıbіr fýnktsııalaryn paıdalaný úshіn aqyly jazylym talap etіledі.
Material avtory
