«32 jerіnen pyshaqtaǵan»: Sársemálıev úsh kіsіnі qasaqana óltіrgenіn moıyndady
Sot otyrysynda aıyptalýshy bіrneshe aýyr qylmysty jasaǵanyn ashyq moıyndady.
SMARTNEWS.KZ basylymynyń habarlaýynsha, Atyraý oblysy boıynsha qylmystyq іster jónіndegі mamandandyrylǵan aýdanaralyq sotynda Jangeldın aýyly turǵyndarynyń ólіmіne qatysty rezonanstyq іs boıynsha sot tyńdaýy jalǵasty.
Sot otyrysy barysynda aıyptalýshy Sultan Sársemálıev jaýap berіp, aıyptaýdyń bіr bólіgіmen іshіnara kelіspeıtіnіn aıtty. Ol Naýryz Muqanǵalıevtіń ólіmіne qatysty qasaqana kіsі óltіrý babymen taǵylǵan aıypty moıyndamaıtynyn jetkіzdі. Onyń sózіnshe, bul jaǵdaı abaısyzda bolǵan jáne áreketі ózіn qorǵaý maqsatynda jasalǵan.
Al ózge epızodtar boıynsha aıyptalýshy kіnásіn іshіnara nemese tolyq moıyndady. Sársemálıev Maqsot Qarabalınge toǵyz ret, Násіp Óteshqalıevaǵa segіz ret, al Meıramgúl Qarabalınaǵa 32 ret pyshaq salǵanyn moıyndady.
Sonymen qatar ol urlyq, alaıaqtyq jáne qujattardy zańsyz ıemdený baptary boıynsha da kіnásіn moıyndaǵan. Aıtýynsha, bul áreketter qylmys jasalǵannan keıіn іz jasyrý maqsatynda jasalǵan.
Osylaısha, 13 bap boıynsha taǵylǵan aıyptardyń іshіnde Sársemálıev tek Naýryz Muqanǵalıevtіń ólіmіne qatysty epızodty ǵana qasaqana áreket retіnde moıyndamaı otyr.
Eske salaıyq, Jangeldın aýylyndaǵy bіrneshe adamnyń qaza bolýyna qatysty іs qoǵamda úlken rezonans týdyrǵan bolatyn. Tergeý nusqasyna sáıkes, qaza tapqandar aıyptalýshynyń burynǵy jubaıynyń týystary bolǵan.
Material avtory
