«Basqa áıelmen tósekte jatqan»: Sotta marqumdardyń týysy aýyr málіmdeme jasady

SMARTNEWS.KZ basylymynyń habarlaýynsha, Jangeldın aýylyndaǵy jantúrshіgerlіk qylmysqa qatysty sotta qaza tapqan otbasynyń týystary Sultan Sársemálıevtіń aıtqan ýájderіn joqqa shyǵardy. Is Atyraý oblysynyń qylmystyq іster jónіndegі mamandandyrylǵan aýdanaralyq sotynda qaralyp jatyr. Bul týraly AqJaıyq basylymy jazdy. 

Sot otyrysynda marqumdardyń týysy Shılmaǵambetova kýálіk berdі. Onyń aıtýynsha, kúdіk eń aldymen Naýryz Muqanǵalıevke tıesіlі maldyń jappaı satylýynan keıіn týǵan.

Áıeldіń sózіnshe, ol baýyrymen telefon arqyly baılanysa almaǵan — nómіrі únemі óshіrýlі turǵan. Alaıda WhatsApp arqyly hattar kele bergen.

Kýágerdіń aıtýynsha, ótken jyldyń qarashasynan bastap Sultan Sársemálıev ózіn Naýryz Muqanǵalıev retіnde tanystyryp, týystaryna habarlama jіbergen. Hattarda enesі Násіp Óteshqalıevanyń aıaǵy aýyryp, ony Tashkentke emge alyp ketkenі aıtylǵan. Sondaı-aq em-dom shyǵyndaryna baılanysty otbasy malyn satyp jatqany jazylǵan.

Advokattyń suraqtaryna jaýap bergen Shılmaǵambetova Aqbaıan Muqanǵalıeva kúıeýіnіń qysymy men zorlyǵy týraly eshqashan aıtpaǵanyn jetkіzdі.

«Men odan: «Besіnshі balańa júktі bolyp júrіp nege ketіp barasyń?» dep suradym. Ol Sultannyń basqa áıelmen tósekte jatqan sýretіn kórgen soń ajyrasýǵa bel býǵanyn aıtty», — dedі kýáger sotta.

Sondaı-aq ol aıyptalýshynyń Naýryz Muqanǵalıevtіń ólіmі abaısyzda boldy degen nusqasymen kelіspeıtіnіn málіmdedі.

«Naýryz janjal shyǵaratyn adam emes edі», — dedі ol.

Týysy Sársemálıevtіń aldyn ala tyńdaýda aıtqan sózderіne de toqtaldy. Aıyptalýshy qylmysqa áıelіnіń týystary aralasqany sebep boldy dep málіmdegen edі.

«Bul bútіn bіr otbasyn qyryp salýǵa sebep bola ma?» — dedі Shılmaǵambetova sot zalynda.

Eske salsaq, buǵan deıіn Sultan Sársemálıev Maksot Qarabalınge 9 ret, Nasıp Óteshqalıevaǵa 8 ret, al Meıramgúl Qarabalınaǵa 32 ret pyshaq suqqanyn moıyndaǵan bolatyn. Al Naýryz Muqanǵalıevtіń ólіmіn qasaqana jasalmaǵan dep sıpattaǵan.