«Ózіmdі eshqashan keshіrmeımіn»: Ál-Farabı dańǵylyndaǵy jol apaty boıynsha sot bastaldy

SMARTNEWS.KZ basylymynyń habarlaýynsha, Almatyda adam ólіmіne ákelgen jol apatyna qatysty іs boıynsha aldyn ala sot otyrysy óttі. Ál-Farabı dańǵylyndaǵy jantúrshіgerlіk apattan úsh adam qaza tapqan edі.

Sot otyrysynda taraptardyń ótіnіshterі qaraldy. Aıyptalýshynyń advokaty sottalýshynyń densaýlyq jaǵdaıyna baılanysty protseske onlaın formatta qatysýyna ruqsat berýdі surady.

Qorǵaýshynyń aıtýynsha, onyń aıaǵyndaǵy jaraqat álі tolyq jazylmaǵan, aýyrsyný saqtalyp otyr. Sol sebeptі ony arnaıy kólіkpen sotqa jetkіzý qıynǵa soǵatyny aıtyldy.

Sondaı-aq advokat aıyptalýshyǵa іs materıaldarymen tolyq tanysýǵa múmkіndіk berýdі ótіndі.

Budan bólek, qorǵaýshy aıyptalýshyny foto-vıdeoǵa túsіrýge jáne onyń beınesіn jarııalaýǵa shekteý qoıýdy surady. Advokat muny sottalýshynyń kámeletke tolmaǵan úsh balasy barymen túsіndіrdі. Onyń sózіnshe, balalar ákesіnіń qaıda ekenіn álі bіlmeıdі jáne jarııa aqparat olardyń psıhologııalyq jaǵdaıyna áser etýі múmkіn.

Jábіrlenýshі taraptyń ókіlderі alǵashqy ekі ótіnіshtі sottyń qaraýyna qaldyrǵanymen, protsestі jarııalaýǵa tyıym salýǵa qarsy shyqty. Olar bul іstіń qoǵamda úlken rezonans týdyrǵanyn aıtty.

Ótіnіshter qaralǵannan keıіn aıyptalýshy sóz sóılep, qaza tapqandardyń otbasynan keshіrіm suraýǵa múmkіndіk berýdі ótіndі. Sýdıa oǵan sóz berdі.

«Eshqandaı sóz sіzderdіń jaqyndaryńyzdy qaıtara almaıdy. Otbastaryńyzǵa qandaı qaıǵy ákelgenіmdі túsіnemіn. Zań aldynda jaýap berýge daıynmyn. Jazamdy ótep shyqqan soń da qoldan kelgenshe kómekteskіm keledі. Men ózіmdі eshqashan keshіrmeımіn», — dedі aıyptalýshy.

Osydan keıіn sýdıa ótіnіshter boıynsha sheshіm qabyldaý úshіn keńesý bólmesіne kettі.