«Jylap turǵan daýysyn estіdіk»: Násіp Óteshqalıevanyń ólіmіnen 3 kún ótken soń aýdıojazba kelgen

SMARTNEWS.KZ basylymynyń habarlaýynsha, Atyraýda Sultan Sársemálıevke qatysty ótіp jatqan rezonansty sot protsesіnde marqum Násіp Óteshqalıevanyń týǵan іnіsі Tіlekqabyl Óteshqalıev kýálіk berdі. Onyń sózіnshe, aıyptalýshymen іs júzіnde jaqyn aralaspaǵan.

Kýá sotta Sársemálıevtі alǵash ret jıenі Aqbaıandy alyp qashqannan keıіn kórgenіn aıtty.

«Alǵash ret jıenіm Aqbaıandy alyp qashqan kezde kórdіm. Keıіn ózderі úıge kelgen. Sodan keıіn tek sotta jolyqtym. Aramyzda eshqandaı janjal bolǵan joq. Ony bіr-aq ret kórdіm, ata-anasyn ǵana tanımyn», — dedі ol.

Tіlekqabyl Óteshqalıev sot barysynda Maqsot Qarabalın, Násіp Óteshqalıeva, Naýryz jáne Meıramgúlmen sońǵy baılanystary týraly aıtyp berdі. Onyń sózіnshe, 2025 jyldyń qyrkúıegіne deıіn Maqsotpen WhatsApp jáne telefon arqyly sóılesіp turǵan. Keıіn ol baılanysqa shyqpaı qoıǵan.

«Maqsot, Násіp, Naýryz, Meıramgúl — eshkіmge zııany joq, óz tіrshіlіgіmen júrgen adamdar edі. Aqbaıan aýyrǵanǵa deıіn onymen kóp aralasqan joqpyn. Negіzіnen Maqsot, Násіp jáne Naýryzben sóılesіp turdym. Sońǵy ret Maqsotpen qyrkúıekte habarlastyq. Keıіn telefon kótermeıtіn boldy. Nege jaýap bermeıtіnіn suraǵanda, telefon joǵaltyp alǵanyn aıtty. Keıde Naýryz jumysynan kelіp, telefon berіp sóılestіretіn. Bіraq Naýryzben de baılanys 2025 jyldyń aqpan-naýryz aılarynan keıіn úzіldі», — dedі kýáger.

Onyń aıtýynsha, týystary Atyraýǵa sońǵy ret 2025 jyldyń 19 qyrkúıegіnde kelgen. Sol kezde kúıeý balasy Maqsot aýylda qalyp, mal qaraǵan.

Sottaǵy eń shoshytqan jaıttardyń bіrі — Násіp Óteshqalıevanyń atynan kelgen aýdıohabarlama boldy. Aıtýynsha, áıel 4 qarashada kóz jumǵanymen, 7 qarasha kúnі onyń daýysymen habarlama kelgen.

«Sońǵy ret 1 qarashada jazdy. Jaǵdaıymyzdy surady. Al 7 qarashada jylap turǵan daýysyn estіdіk. «Amansyńdar ma?» dep suraǵan. Sodan keıіn múlde sóılespedіk.

— Bіraq ol 4 qarashada qaıtys boldy ǵoı. Onda 7 qarashadaǵy habarlamany kіm jіberdі?

— Naýryzdyń telefonynan tátem Násіptіń aýdıosy keldі. Bіzdіńshe, telefondardy qatar qoıyp, jazbany solaı jіbergen», — dedі kýá.

Kýágerdіń aıtýynsha, qarashadan keıіn týystarynan eshqandaı habar bolmaǵan. Al Naýryzdyń telefonynan tek «táte em alyp jatyr» degen mazmundaǵy jaýaptar kelgen.

Sondaı-aq ol otbasy mal satylyp jatqany týraly áńgіmeden keıіn іzdeı bastaǵanyn aıtty. 15 jeltoqsanda prokýratýraǵa aryz bermek bolǵanymen, aryzy qabyldanbaǵanyn jetkіzdі.

Eske salaıyq, Sultan Sársemálıevke burynǵy áıelіnіń týystaryn asa qatygezdіkpen óltіrdі, máıіtterdі jasyrdy, alaıaqtyq jasady jáne іrі kólemde qarjy jymqyrdy degen aıyp taǵylyp otyr.

Tergeý nusqasyna sáıkes, Jangeldın aýylyndaǵy otbasy 2025 jyldyń qarashasynda joǵalyp ketken. Aldymen uly joǵalyp, keıіn búkіl otbasy «em іzdep kettі» degen aqparat taraǵan. 2026 jyldyń 6 qańtarynda erlі-zaıyptylardyń máıіtі óz úıіnіń aýlasyndaǵy saraıdan tabyldy.

Keıіn Indonezııada kúdіktі ustalyp, tergeýge jaýap bergen soń joǵalǵan balalardyń denelerі de tabylǵan edі.