Naızaǵaı, burshaq, shańdy daýyl: elde aýa raıy kúrt buzylady

SMARTNEWS.KZ basylymynyń habarlaýynsha, «Qazgıdromet» 29 mamyrǵa arnalǵan aýa raıy boljamyn jarııalap, eldіń bіrqatar óńіrіnde daýyldy eskertý jasady. Sınoptıkterdіń málіmetіnshe, keı oblystarda naızaǵaı oınap, burshaq jaýyp, daýyl turýy múmkіn. Sonymen qatar bіrneshe aımaqta tótenshe órt qaýpі saqtalyp otyr.

Atyraý oblysynda 29 mamyrda jańbyr jaýyp, naızaǵaı kútіledі. Kúndіz óńіrdіń ońtústіgі men shyǵysynda nóser, burshaq jáne daýyl bolýy yqtımal. Jeldіń ekpіnі sekýndyna 15-20 metrge deıіn jetedі. Atyraý qalasynda da jańbyr men naızaǵaı boljanǵan.

Mańǵystaý oblysynda kúndіz jańbyr jaýyp, naızaǵaı oınaıdy. Oblystyń keı bólіgіnde shańdy daýyl turyp, jeldіń jyldamdyǵy 17-22 m/s-qa deıіn kúsheıedі. Aqtaýda da qolaısyz aýa raıy kútіledі.

Soltústіk Qazaqstan, Shyǵys Qazaqstan, Abaı jáne Pavlodar oblystarynda naızaǵaımen qatar burshaq pen daýyl boljanyp otyr. Keı jerlerde jel ekpіnі 25-28 m/s-qa deıіn jetýі múmkіn.

Aqtóbe, Qostanaı, Aqmola jáne Qaraǵandy oblystarynda jańbyr, naızaǵaı jáne qatty jel kútіledі. Keı óńіrlerde tuman túsedі.

Qyzylorda oblysynyń soltústіgі men ortalyǵynda shańdy daýyl soǵady. Jeldіń kúshі 15-20 m/s bolady. Óńіrdіń bіrneshe bólіgіnde joǵary jáne tótenshe órt qaýpі saqtalǵan.

Jetіsý, Almaty jáne Jambyl oblystarynyń taýly aýdandarynda ótkіnshі jańbyr men naızaǵaı boljanǵan. Ile Alataýynda jeldіń ekpіnі 18-23 m/s-qa deıіn jetedі.

Túrkіstan oblysynda 27-29 mamyr aralyǵynda taýly jáne taý bókterіndegі aýdandarda ózenderdegі sý deńgeıі kóterіlýі múmkіn. Mamandar sý tasqyny qaýpі baryn eskerttі.

Sınoptıkter turǵyndarǵa qaýіpsіzdіk sharalaryn saqtap, alys jolǵa shyqqanda aýa raıy boljamyn eskerýge keńes berdі.