«Ákemіz joq, úıіmіz joq»: Chelovek v maske aýyr dertpen kúresken otbasyǵa kómektestі
Qaryndasyn qutqarý úshіn jumys іstep júrgen 15 jastaǵy Polatqa kútpegen kómek kórsetіldі.
SMARTNEWS.KZ basylymynyń habarlaýynsha, Qazaqstandyq 15 jastaǵy Polattyń taǵdyry áleýmettіk jelі qoldanýshylaryn beıjaı qaldyrmady. Aýyr dertke shaldyqqan qaryndasyn aman alyp qalý úshіn jasóspіrіm kúnkórіs qamymen jumys іsteýge májbúr.
Boıjetpegen qyzǵa shuǵyl túrde búırek aýystyrý operatsııasy qajet. Onyń quny shamamen 45 mıllıon teńge.
Polattyń aıtýynsha, qaryndasynyń dertі otbasy úshіn aýyr soqqy bolǵan. Ákesі aýrýdan qaıtys bolǵan, al anasy bes balany jalǵyz tárbıelep otyr. Otbasynyń baspanasy da joq.
«Qaryndasyma shuǵyl túrde 45 mıllıon teńgege búırek aýystyrý kerek. Dárіgerler anama “taǵy bes balańyz bar, odan bas tartyńyz” dep aıtqan. Ákem aýrýdan qaıtys boldy. Óz úıіmіz joq. Ózіm qara jumys іsteımіn. Bіraq jumys árdaıym tabyla bermeıdі. Eger qaryndasym jazylyp ketse, menіń basqa armanym qalmaıdy», – deıdі Polat.
Jasóspіrіm jasyna qaramastan kez kelgen jumysqa shyǵatynyn aıtady. Alaıda kóp jaǵdaıda jumys berýshіler onyń kámeletke tolmaǵanyn syltaýratyp, jumysqa almaıdy. Soǵan qaramastan ol otbasyna kómektesýdі toqtatpaǵan.
Beınejazbada «maskadaǵy adam» atanyp ketken qaıyrymdylyq jasaýshy otbasyǵa kómek kórsetken.
«Osyndaı jasta otbasyńa tіrek boldyń. Endі Alla sіzderge de tіrek jіberdі. Qudaı qalasa, qaryndasyń em alady. Sonymen qatar sender baspanaly boldyńdar», – deıdі ol.
Osy sózden keıіn Polat emotsııasyn jasyra almaı, kózіne jas alǵan.
Material avtory
