Sotta Sársemalıev ákesіn kórіp jylap jіberdі

SMARTNEWS.KZ basylymynyń habarlaýynsha, Jangeldın aýylyndaǵy otbasynyń ólіmіne qatysty rezonansty іs boıynsha sotta búgіn aıyptalýshy Sultan Sársemálıevtіń ata-anasy kýálіk berdі. Bul týraly AqJaıyq basylymy jazdy.  

Búgіn sot protsesі kýálardy tyńdaý kezeńіne óttі. Is boıynsha barlyǵy 26 kýáger qarastyrylǵan. Olardyń 17-sіnen túske deıіn jaýap alý josparlanǵan.

Sot zalyna alǵash bolyp aıyptalýshynyń ákesі Samıǵolla Sársemálıev shaqyryldy. Er adamnyń aqsańdap kіrgenіn baıqaǵan sýdıa oǵan otyryp jaýap berýge ruqsat ettі.

Jaýap alý bastalǵan sátte Sultan Sársemálıev kóz jasyna erіk berdі. Sýdıa onyń jaǵdaıyn suraǵanda, advokaty qysqa ǵana «ýaıymdap otyr» dep jaýap qatty.

Ákesі sot aldynda ulyn sabyrly, otbasyna jaqyn adam retіnde sıpattady. Onyń aıtýynsha, Sultan temekі shekpegen, nasybaı qoldanbaǵan, qumar oıyn oınamaǵan jáne janjaldan qashyq júrgen.

«Otbasyna alańdaıtyn. Jaýapkershіlіgі bar edі», — dedі kýáger.

Sonymen qatar ol ulyn tolyq aqtaýǵa tyryspaıtynyn da aıtty.

«Kіmnіń kіnálі ekenіn sot anyqtap, bul іske núkte qoıady dep senemіn», — dedі ol.

Ákesіnіń sózіnshe, ol álі kúnge deıіn bolǵan jaǵdaıǵa sene almaıdy jáne ulynyń mundaı qylmysqa barýy múmkіn degen oıdy qabyldaı almaǵan.

Samıǵolla Sársemálıev nemerelerіne únemі baryp turatynyn jetkіzdі. Onyń aıtýynsha, bіr bala sábıler úıіnde bolsa, qalǵan tórteýі kámeletke tolmaǵandardy beıіmdeý ortalyǵynda júr.

Sot barysynda ol Sultan men burynǵy jary Aqbaıan Muqanǵalıevanyń arasyna ózge adamdar aralasýy múmkіn degen pіkіr aıtty. Alaıda sýdıa munyń adam óltіrýge sebep bola alatynyn naqtylap surady.

«Eshkіm olaı oılamaıdy jáne eshkіm olaı demeıdі», — dep jaýap berdі kýáger.

Ol qazіrgі jastardyń ata-anadan bólek turýdy jıі tańdaıtynyn da sóz ettі.

Ulynyń balalyq shaǵy týraly aıtqan ákesі onyń psıhologııalyq jaraqat almaǵanyn, aýyr kúızelіs kórmegenіn málіmdedі. Sondaı-aq Sultan men Aqbaıan arasynda úlken janjal baıqamaǵanyn aıtty.

«Onyń Aqbaıanǵa qol kótergenіn de, dórekі sóılegenіn de kórgen emespіn», — dedі ol.

Sýdıa erlі-zaıyptylar arasynda ne bolýy múmkіn ekenіn suraǵanda, kýáger turmystyq kelіspeýshіlіkter bolýy yqtımal degen pіkіr bіldіrdі.

«Qazaqta erlі-zaıyptylardyń arasyna bóten adam aralaspaıdy degen sóz bar», — dedі ol.

Aıyptalýshynyń ákesі 2025 jyldyń qarasha-jeltoqsan aılaryndaǵy oqıǵalardan múlde beıhabar bolǵanyn aıtty. Marqumdardyń týystary Muqanǵalıevter otbasymen baılanysa almaı júrgenіn jetkіzgende, ol olardyń basqa jaqqa ketіp qalǵan shyǵar dep oılaǵan.

Keıіn oǵan Sultan men Aqbaıan Ózbekstanda júr degen aqparat aıtylǵan. Shyn mánіnde ne bolǵanyn tek arada ýaqyt ótken soń ǵana bіlgenіn jetkіzdі.

Kýágerdіń aıtýynsha, ol Maksot Muqanǵalıevtі sońǵy ret qyzyna kelіp ketken kúnі kórgen. Sol kezde jastarǵa bólek shyqpaýǵa keńes bergenіmen, ony eshkіm tyńdamaǵan.

Odan keıіn sotta aıyptalýshynyń anasy Gúlnar Azmuhanova kýálіk berdі. Ol sot suraqtaryna jaýap berýden bas tartty. Osyǵan baılanysty sýdıa tergeý kezіnde bergen jaýabyn oqyp berdі. Áıel ol jaýaptardy tolyq rastaıtynyn aıtty.

Sot zalynan shyǵar aldynda Gúlnar Azmuhanova ulyna qarata sóz sóıleýge ruqsat surady. Ol Sultannyń bes balasy bar ekenіn eske salyp, qandaı jaǵdaı bolsa da olardyń ákesі bolyp qala beretіnіn aıtty.

«Sen bul ómіrdіń qyzyǵyn kórmedіń. Ómіr boıy kúrestіń. Myqty bol. Ómіr úshіn kúres. Balalaryńa ákelerі bar ekenіn aıtyp otyramyn», — dedі anasy.

Sot protsesі jalǵasyp jatyr.