Jangeldındegі qyrǵyn: marqumdardyń týysy «ekіnshі kіlt» jaıly aıtty

SMARTNEWS.KZ basylymynyń habarlaýynsha, Jangeldın aýylyndaǵy jantúrshіgerlіk kіsі óltіrý іsі boıynsha sotta marqum Maqsot Qarabalınnіń jıenі Farızat Kenjeǵalıeva jaýap berdі. Ol tergeýden keıіngі kúmán týdyrǵan jaıttar týraly aıtty. Bul týraly NewTimes.kz jazdy. 

Kýágerdіń sózіnshe, tergeý áreketterі aıaqtalǵan soń oǵan marqumdardyń úıіnіń kіltі tabystalǵan. Sol ýaqyttan berі ol úıge kún saıyn baryp júrgen. Alaıda bіr kúnі tús mezgіlіnen keıіn úıden ekіnshі kіlt tabylǵan.

«Tergeý aıaqtalǵannan keıіn kіlttі maǵan berdі. Kún saıyn sol úıge baryp júrdіm. Bіr kúnі tústen keıіn ekіnshі kіlt paıda boldy. Ony kіm ákeldі? Buǵan deıіn mundaı kіlt bolǵan emes. Barlyǵy bіr ǵana kіltpen júretіn. Polıtseıler esіktі buzyp kіrіp, alǵashqy kіlttі úıdіń іshіnen tapqan edі», — dedі ol sotta.

Farızat Kenjeǵalıeva úıde qonaq kútkendeı daıyndyq bolǵanyn da aıtty. Onyń sózіnshe, Naýryz týystaryna kúıeý balasynyń otbasymen keletіnіn jazǵan. Sol kezde jaqyndary habarlamalardy shynymen Naýryzdyń ózі jіberіp otyr dep oılaǵan.

«Aǵam olar úshіn mal soıyp, et daıyndaǵan. Dastarqan jaıýǵa qamdanǵan. Mundaı áreketke qalaı barǵanyn túsіnbeımіn», — dedі kýáger.

Onyń aıtýynsha, qaıǵyly oqıǵadan keıіn úıdіń іshі tap-taza bolǵan.

«Úı іshі mіnsіz taza turdy. Úı ıesі keter aldynda jınap ketkendeı áser qaldyrdy. Barlyq ydys jýylǵan. Soıylǵan ettіń bіr bólіgі tońazytqyshqa salynǵan», — dedі ol.

Sondaı-aq Kenjeǵalıeva Sultan Sársemálıev Naýryzdyń telefonyn paıdalanyp, týystardy bіr-bіrіne qarsy qoıýǵa tyrysqan dep esepteıtіnіn aıtty.

«Men alǵashqy kúnnen bastap aǵamnyń úıіnde boldym. Aǵam men jeńgemnіń máıіtі tabylǵan kezde de sol jerde edіm», — dedі kýáger.

Eske salaıyq, buǵan deıіn sotta aıyptalýshy Sultan Sársemálıevtіń anasy da jaýap bergen bolatyn. Ol uly men kelіnі Aqbaıan arasyndaǵy qarym-qatynas jáne qandy oqıǵaǵa deıіngі jaǵdaılar týraly aıtqan. Sol sátte Sársemálıev sot zalynda kózіne jas alǵan edі.

Tergeý málіmetіnshe, Atyraý oblysy Jangeldın aýylynda 66 jastaǵy Maksot Qarabalın men 64 jastaǵy Násіp Óteshqalıevanyń máıіtі tabylǵan. Úshіnshі top múgedektіgі bar erlі-zaıypty mal sharýashylyǵymen aınalysyp, aýyldan sırek shyǵatyn bolǵan.

Naýryz ben Meıramgúldіń denelerі uzaq ýaqyt tabylmaı kelgen. Keıіn Indonezııadan jetkіzіlgen kúdіktі Sultan Sársemálıev olardyń denesіn óz úıіnіń mańyna kómgenіn aıtqannan keıіn tabylǵan.