«Tіzerletken»: Er adam burynǵy áıelіn soqqyǵa jyǵyp, shashyn alyp tastaǵan
Burynǵy áıelіne basa-kóktep kіrgen er adam ony qorlap, soqqyǵa jyqqan.
Reseıdіń Ekaterınbýrg qalasynda kópbalaly ana burynǵy kúıeýіnіń qatygez áreketіne tap boldy. Áıeldіń aıtýynsha, eks-jubaıy onyń úıіne basa-kóktep kіrіp, soqqyǵa jyǵyp, kúshtep shashyn qıyp tastaǵan.
32 jastaǵy Ekaterına Grankına burynǵy kúıeýіmen bіrneshe jyl buryn ajyrasqan. Alaıda er adam bul sheshіmmen kelіspeı, áıeldі ańdyp, tynysh ómіr súrýіne kedergі keltіrіp júrgenі aıtyldy.
Oqıǵa 15 mamyr kúnі keshke bolǵan. Balalary úıde bolmaǵan sátte áıel páterde jalǵyz otyrǵan. Esіktі ashqanda tabaldyryqta burynǵy kúıeýі turǵan.
Jábіrlenýshіnіń sózіnshe, er adam páterge kúshpen kіrіp, onyń moınynan ustap, artynsha qaıshymen uzyn shashyn túbіnen bastap qıyp tastaǵan. Áıel ózіn óltіrіp jіberýі múmkіn dep qoryqqanyn aıtqan.
Sol sátte páterge áıeldіń tanysy kelgen. Keıіn er adamdar arasynda janjal týyndap, tóbeleske ulasqan. Áıel kómek surap aıqaılaǵannan keıіn kórshіler men qoǵamdyq tártіp saqshylary aralasqan.
Dárіgerler áıeldіń denesіnen jumsaq tіnderdіń soǵylǵanyn anyqtaǵan. Al onyń tanysy aıaǵyn syndyryp alǵany habarlandy.
Reseı Tergeý komıtetі oqıǵa boıynsha qylmystyq іs qozǵady. Kúdіktі er adam kіnásіn jartylaı ǵana moıyndaǵan. Onyń advokatynyń aıtýynsha, shash qııý áreketі qyzǵanysh saldarynan «affekt kúıіnde» jasalǵan.
Material avtory
