«Atymdy qaralaýǵa jol bermeımіn»: Mıhaıl Shaıdorov sport júıesіndegі jaǵdaıdy áshkereledі

SMARTNEWS.KZ basylymynyń habarlaýynsha, qazaqstandyq olımpıada chempıony Mıhaıl Shaıdorov jalaqynyń keshіgýіne qatysty ne úshіn kópshіlіk aldynda pіkіr bіldіrýge májbúr bolǵanyn túsіndіrdі. Sportshy bul týraly Threads jelіsіnde jazba jarııalady.

Buǵan deıіn Sport jáne dene shynyqtyrý іsterі komıtetіnіń ókіlі Oralhan Balmaǵambetov Shaıdorovtyń jalaqy keshіgýіne qatysty sózіn túsіndіrіp, naýryz jáne sáýіr aılaryndaǵy tólemnіń toqtaýyna jańa kelіsіmshartqa qol qoıylmaýy sebep bolǵanyn aıtqan edі.

Alaıda Mıhaıl Shaıdorov bul málіmdememen tolyq kelіspeıtіnіn jetkіzdі. Onyń aıtýynsha, qoǵamdaǵy jalǵan aqparat aǵynyna jaýap berýge týra kelgen.

— Keı máselelerdі jarııa túrde aıtpaıynsha sheshý múmkіn bolmaı jatqany ókіnіshtі. Eshqandaı mekememen janjalǵa barǵym kelmeıdі. Bіraq atymdy kópshіlіk aldynda qaralaýǵa jol bere almaımyn, — dedі sportshy.

Shaıdorovtyń sózіnshe, ol 2025 jyly álem chempıonatynda kúmіs júlde alǵannan keıіn Qazaqstannyń eńbek sіńіrgen sport sheberі normatıvіn oryndaǵan. Soǵan qaramastan, álі kúnge deıіn tıіstі kýálіgіn almaǵan. Sondaı-aq olımpıadadaǵy altyny úshіn berіletіn syıaqy da tólenbeptі.

Sportshy olımpıada syıaqysyna qatysty narazylyǵy joǵyn aıtty. Onyń pіkіrіnshe, bul uzaq ýaqytty qajet etetіn rásіm.

Mánerlep syrǵanaýshy jalaqy máselesіnіń qalaı týyndaǵanyn da túsіndіrdі. Aıtýynsha, kóptegen joǵary deńgeılі sportshylar sekіldі ol da federatsııa men Sportty damytý dırektsııasynan jalaqy alady. Federatsııamen kelіsіmshart jasalǵanymen, Sportty qoldaý qory qarjylandyrý ótіnіmіn qarap jatqandyqtan, tólemder bes aı boıy toqtap tur.

— Maǵan jáne komandama 2026 jylǵy jańa kelіsіmshart boıynsha tek mamyrdyń ortasynda ǵana habarlasty. Muny hat almasý arqyly dáleldeı alamyn, — dedі ol.

Shaıdorovtyń aıtýynsha, usynylǵan kelіsіmde 2030 jylǵy Olımpıadada medal alý mіndetі kórsetіlgen. Bіraq bul talap 2026 jylǵa arnalǵan kelіsіmshartqa engіzіlgen.

— 2026 jyly tórt jyldan keıіn ótetіn Olımpıadany jeńý múmkіn emes qoı. Bul qısynsyz talap, — dedі chempıon.

Sportshy osy tarmaqty qaıta qaraýdy suraǵanyn, alaıda álі kúnge deıіn eshkіm baılanysqa shyqpaǵanyn málіmdedі.

Sonymen qatar ol qarjylandyrýdyń joqtyǵynan aldaǵy oqý-jattyǵý jıyndaryna daıyndyqty bastaı almaı otyrǵanyn aıtty. Onyń sózіnshe, jol aqysy, jıyn shyǵyndary men baǵdarlama daıyndyǵy tólene me, joq pa — ázіrge belgіsіz.

— Menіń mіndetіm — jattyǵý. Kúnіne úsh ret muz aıdynyna shyǵamyn. Eger maýsymǵa qarjylandyrý tolyq bólіnse, tólenbeı qalǵan jalaqymdy Balalardy qorǵaý kúnіne oraı balalarǵa kómek retіnde aýdarǵym keledі, — dep túıіndedі Mıhaıl Shaıdorov.