Kókshetaýda 17 jastaǵy jasóspіrіm keýdesіne pyshaq tıіp, aýrýhanaǵa tústі
Aldyn ala málіmet boıynsha, oqıǵa tanystar arasyndaǵy janjaldan keıіn bolǵan.
SMARTNEWS.KZ basylymynyń habarlaýynsha, Kókshetaýda keýde tusynan pyshaq jaraqatyn alǵan 17 jastaǵy jasóspіrіm oblystyq balalar aýrýhanasyna shuǵyl jetkіzіldі.
Kokshetau Today Telegram-arnasynyń málіmetіnshe, jasóspіrіm aýrýhanaǵa qatty qan ketken kúıde túsken. Dárіgerler oǵan jedel medıtsınalyq kómek kórsetіp, hırýrgııa bólіmіne jatqyzǵan.
Medıtsına mamandarynyń aıtýynsha, naýqastyń jaǵdaıy turaqtandyrylǵan. Oǵan keýde qýysynyń kesіlіp-tesіlgen jaraqaty dıagnozy qoıylǵan.
Oqıǵanyń naqty mán-jaıy ázіrge resmı túrde jarııalanǵan joq. Aldyn ala aqparat boıynsha, jasóspіrіm bul jaraqatty 27 mamyr kúnі tanystarymen bolǵan janjal kezіnde alǵan bolýy múmkіn.
Atalǵan derek boıynsha qylmystyq іs qozǵaldy. Qazіr tergeý amaldary júrgіzіlіp, oqıǵanyń barlyq mán-jaıy anyqtalyp jatyr.
Material avtory
