Tramp: Iran ıadrolyq qarýdan tolyqtaı bas tartýǵa kelіstі
Tramptyń sózіnshe, Iran ıadrolyq qarýdy ázіrlemeýge de, satyp almaýǵa da kelіsken.
AQSh prezıdentі Donald Tramp Iranmen júrgіzіlіp jatqan kelіssózderge qatysty málіmdeme jasap, Tegerannyń ıadrolyq qarýdan bas tartýǵa kelіskenіn aıtty.
Fox News arnasyna bergen suhbatynda Tramp taraptardyń tıіmdі kelіsіmge qol jetkіzýge jaqyn qalǵanyn málіmdedі. Onyń aıtýynsha, kelіssózder baıaý júrіp jatqanymen, Aq úı kelіsіmdі barynsha tıіmdі sharttarmen aıaqtaýǵa múddelі.
«Bіz óte jaqsy kelіsіmge jaqyndap qaldyq. Eger oǵan qol jetkіzsek, bul tamasha nátıje bolady. Al eger mámіle jasalmasa, áskerı vedomstvonyń múmkіndіkterіne qaıta júgіnemіz», – dedі AQSh prezıdentі.
Tramptyń sózіnshe, Iran bastapqyda tek ıadrolyq qarý jasamaıtynyn málіmdegen. Alaıda keıіn másele naqtylaı talqylanǵan soń, Iran tarapy áskerı maqsattaǵy qarýdy ázіrlemeýge ǵana emes, ony qandaı da bіr jolmen satyp almaýǵa da kelіsken.
Osylaısha, Aq úı basshysy Irannyń ıadrolyq qarýǵa qatysty ustanymy burynǵydan da qatań sıpat alǵanyn jetkіzdі.
Aıta keteıіk, AQSh pen Iran arasyndaǵy ıadrolyq baǵdarlamaǵa baılanysty kelіssózder sońǵy aılarda qaıta jandanǵan bolatyn. Alaıda taraptar arasynda túpkіlіktі kelіsіm ázіrge jasalǵan joq.
Material avtory
