Pavlodarda mas er adam kólіktіń ústіne sekіrіp, polıtsııaǵa tústі
Kýágerler bіrneshe ret toqtatýǵa tyrysqanymen, er adam kólіktіń tóbesіnde sekіrіp júrgen.
SMARTNEWS.KZ basylymynyń habarlaýynsha, Pavlodar oblysynda mas kúıdegі turǵyn bóten kólіktі búldіrіp, polıtsııanyń qolyna tústі.
Oqıǵanyń vıdeosy Instagram jelіsіndegі pavlodar_budni paraqshasynda jarııalandy. Kadrlarda er adamnyń krossoverdіń tóbesіne shyǵyp alyp, kólіktі aıaǵymen teýіp, ústіnde sekіrіp júrgenі kórіnedі. Janynda turǵan adamdar ony bіrneshe ret tómen túsýge shaqyrǵan. Aqyrynda olardyń bіrі buzaqyny kólіktіń ústіnen túsіrіp aldy.
Óńіrlіk polıtsııa departamentіnіń málіmetіnshe, quqyq buzýshy mas kúıde bolǵan. Ol ustalyp, polıtsııa bólіmіne jetkіzіlgen.
Tártіp saqshylarynyń habarlaýynsha, bótennіń múlkіn qasaqana búldіrý faktіsі boıynsha ákіmshіlіk іs qozǵaldy. Sotqa deıіn er adam ýaqytsha ustaý ornyna qamalǵan.
Polıtsııa bul bap boıynsha aıyppul salýdan bastap 20 táýlіkke deıіn ákіmshіlіk qamaýǵa alý jazasy qarastyrylǵanyn málіmdedі.
Sonymen qatar quqyq buzýshy kólіk ıesіne keltіrіlgen materıaldyq shyǵyndy óteýge mіndettelýі múmkіn.
Material avtory
