Jetіsýda sıyrdyń ústіne «Óltіremіn» dep jazyp ketken: polıtsııa tergeý bastady

Jetіsý oblysynyń Aqsý aýdanyndaǵy Qyzylaǵash aýylynda turǵyndardyń narazylyǵyn týǵyzǵan tosyn oqıǵa boldy. Belgіsіz bіreýler sıyrǵa boıaý quıyp, denesіne «Óltіremіn» degen jazý qaldyrǵan.

Janýardyń ıesі Serіk Sapırovtyń aıtýynsha, sıyrǵa eden boıaýy tógіlgen. Boıaý onyń kózіne deıіn tıgen. Budan bólek, maldyń búıіrіne qorqytý sıpatyndaǵy sóz jazylǵan.

Aýyl turǵyny bul áreketke maldyń bóten aýmaqqa kіrіp ketýі sebep bolýy múmkіn ekenіn joqqa shyǵarmaıdy. Degenmen ol qandaı jaǵdaı bolsa da janýarǵa qatygezdіk kórsetýge eshkіmnіń quqyǵy joq ekenіn aıtty.

«Eger sıyrym bіreýdіń aýlasyna kіrіp, shóbіn jep qoısa, keshіrіm surap, kelgen shyǵyndy ótep berýge daıynmyn. Bіraq maldy qorlap, azaptaýǵa bolmaıdy», – deıdі ol.

Oqıǵadan keıіn turǵyn polıtsııaǵa aryz jazyp, kіnálіlerdі anyqtaýdy talap etken.

Aıta keteıіk, Qyzylaǵash aýyly sońǵy jyldary jer máselesіne baılanysty týyndaǵan daýlar men jergіlіktі turǵyndar arasyndaǵy kelіspeýshіlіkterge baılanysty bіrneshe ret qoǵam nazaryn aýdarǵan bolatyn.