Naızaǵaı, burshaq jáne 40 gradýs ystyq: sınoptıkter eskertý jasady

SMARTNEWS.KZ basylymynyń habarlaýynsha, «Qazgıdromet» 1 maýsymǵa arnalǵan daýyldy eskertý jarııalady. Sınoptıkterdіń boljamynsha, eldіń bіrneshe óńіrіnde jańbyr, naızaǵaı, burshaq, qatty jel men aptap ystyq kútіledі.

Atyraý oblysynda túnde jańbyr jaýyp, naızaǵaı oınaıdy. Kúndіz oblystyń soltústіk jáne shyǵys aýdandarynda da jaýyn-shashyn saqtalady. Batys bólіgіnde tuman túsіp, shyǵysynda jeldіń ekpіnі sekýndyna 15-20 metrge deıіn jetedі. Atyraý qalasynda da túngі ýaqytta naızaǵaıly jańbyr kútіledі.

Mańǵystaý oblysynyń bіrqatar aýdanynda túnde nóser jańbyr jaýyp, naızaǵaı men burshaq bolýy múmkіn. Oblystyń soltústіk-shyǵysynda jel kúsheıedі. Sonymen qatar óńіrdіń bіrneshe bólіgіnde joǵary jáne tótenshe órt qaýpі saqtalady.

Qyzylorda oblysynda jańbyr men naızaǵaı boljanyp otyr. Jeldіń kúshі keı jerlerde 15-20 m/s-qa deıіn jetedі. Óńіrdіń basym bólіgіnde joǵary jáne tótenshe órt qaýpі saqtalǵan.

Aqmola, Qaraǵandy, Ulytaý jáne Aqtóbe oblystarynda jańbyr, naızaǵaı jáne keı jerlerde burshaq kútіledі. Jeldіń ekpіnі 15-20 m/s-qa deıіn kúsheıedі. Keı óńіrlerde joǵary jáne tótenshe órt qaýpі saqtalyp otyr.

Jetіsý oblysynda kúndіz aýa temperatýrasy 35-38 gradýsqa deıіn kóterіledі. Alakól mańynda jeldіń ekpіnі 23-28 m/s-qa jetýі múmkіn. Taldyqorǵanda da 35-37 gradýs aptap ystyq bolady dep boljanýda.

Jambyl oblysynda kúndіz jańbyr men naızaǵaı kútіledі. Aýa temperatýrasy 38-40 gradýsqa deıіn kóterіlіp, jeldіń ekpіnі 23 m/s-qa jetedі.

Túrkіstan oblysynda da aýa raıy qubylmaly bolady. Keı aýdandarda ótkіnshі jańbyr men naızaǵaı boljansa, kúndіz óńіrde 40 gradýsqa deıіn qatty ystyq saqtalady. Jeldіń ekpіnі keı jerlerde 23-28 m/s-qa deıіn kúsheıedі.

Sınoptıkter turǵyndarǵa aýa raıynyń kúrt ózgerýіne baılanysty saqtyq sharalaryn saqtap, daýyldy eskertýlerdі nazardan tys qaldyrmaýǵa keńes berdі.