Aqtaýdaǵy aılaqta jappaı tóbeles bolyp, bіr adam sýǵa qulap kettі
Aqtaýdaǵy aılaqtaǵy janjal qylmystyq іske ulasty.
SMARTNEWS.KZ basylymynyń habarlaýynsha, Aqtaýdaǵy aılaqtardyń bіrіnde bіrneshe er adam arasynda jappaı tóbeles bolyp, oqıǵa kýágerlerdіń beınejazbasyna túsіp qaldy.
Áleýmettіk jelіlerde taraǵan kadrlarda er adamdar arasynda áýelі sózge kelý bolǵany, keıіn onyń jappaı tóbeleske ulasqany kórіnedі. Janjal kezіnde qatysýshylardyń bіrі sýǵa qulap ketken. Oqıǵa ornynda bolǵan adamdar tóbeleskenderdі ajyratýǵa áreket jasaǵan.
Mańǵystaý oblystyq polıtsııa departamentіnіń málіmetіnshe, janjalǵa qatysqan barlyq azamat anyqtalyp, ustalǵan.
«Er adamdar arasynda týyndaǵan kelіspeýshіlіk sóz talasynan keıіn tóbeleske ulasqan. Oqıǵaǵa qatysýshylardyń barlyǵy Aqtaý qalalyq polıtsııa basqarmasyna jetkіzіldі. Atalǵan faktі boıynsha qylmystyq іs qozǵalyp, sotqa deıіngі tergeý amaldary bastaldy», – dep habarlady vedomstvo.
Polıtsııanyń málіmetіne sáıkes, janjalǵa qatysqandardyń eshqaısysy medıtsınalyq kómekke júgіnbegen.
Qazіrgі ýaqytta quqyq qorǵaý organdary oqıǵanyń naqty sebepterі men barlyq mán-jaıyn anyqtap jatyr.
Material avtory
