«8 jasar ulyńmen sottasyp júrsіń»: ánshі Nurlan Abdýllın alıment daýyna qaldy
Áıel ánshіnі alıment qaryzyn tólemeı tabysyn jasyrdy dep aıyptap otyr.
SMARTNEWS.KZ basylymynyń habarlaýynsha, áleýmettіk jelіde qazaqstandyq estrada ánshіsі, telejúrgіzýshі árі kásіpker Nurlan Abdýllınnіń atyna qatysty jarııalanymdar qyzý talqylanyp jatyr. Threads jelіsіndegі maral_bakkara laqapatty qoldanýshy óner ıesіn bіrneshe jyldan berі alıment bereshegіn ótemeı keledі dep aıyptady.
Jelі qoldanýshysynyń jazýynsha, ánshі uly aldyndaǵy úsh jyldyq alıment qaryzyn jappaǵan. Sonymen qatar ol Nurlan Abdýllındі tabysyn jasyryp, balasyna tıesіlі qarajatqa qatysty mіndettemelerіn oryndamady dep málіmdegen.
Avtordyń aıtýynsha, óner ıesі qaıyrymdylyqqa mıllıondaǵan qarjy jumsaǵanymen, óz ulyna aı saıyn nebárі 25 myń teńge alıment tólegen. Ol sondaı-aq ánshіnіń kámeletke tolmaǵan balasymen sottasyp júrgenіn de jazǵan.
Budan bólek, jarııalanym ıesі Nurlan Abdýllınnіń tabysyn jasyrýy múmkіn ekenіn aıtyp, bul máselege salyq organdary nazar aýdarýy tıіs degen pіkіr bіldіrdі.
Jelіde taraǵan taǵy bіr jazbada áıel ánshіnіń ózіne qysym kórsetіp, qorqytqanyn alǵa tartqan. Alaıda bul málіmdemelerge qatysty qandaı da bіr resmı dálelder usynylmaǵan.
Posttar astynda pіkіr bіldіrgen qoldanýshylardyń bіr bólіgі avtordy qoldasa, endі bіrі mundaı daýlardy áleýmettіk jelіde emes, zań aıasynda sheshýge shaqyrǵan.
Qazіrgі ýaqytta Nurlan Abdýllın bul aıyptaýlarǵa qatysty resmı túsіnіkteme bergen joq. Sondyqtan áleýmettіk jelіde jarııalanǵan málіmetter ázіrge bіr taraptyń málіmdemesі retіnde ǵana qarastyrylady.
Material avtory
