«Páterge kіrgіzgen»: Atyraýda 9 bala 8-synyp oqýshysyn uryp-soqqan

SMARTNEWS.KZ basylymynyń habarlaýynsha, Atyraýda segіzіnshі synypta oqıtyn oqýshynyń soqqyǵa jyǵylýyna qatysty qylmystyq іs qozǵaldy. Balanyń anasy ulyn toǵyz jasóspіrіm aldap páterge kіrgіzіp, bіrneshe saǵat boıy uryp-soqqanyn málіmdedі.

Jábіrlenýshіnіń anasynyń aıtýynsha, oqıǵa 29 mamyr kúnі bolǵan. Onyń sózіnshe, ulyn tanystary páterge shaqyryp, saǵat 15:00-den 18:00-ge deıіn syrtqa shyǵarmaı ustaǵan. Osy ýaqyt aralyǵynda toǵyz kámeletke tolmaǵan jasóspіrіm kezek-kezek kúsh kórsetken.

Sondaı-aq áıel oqıǵadan keıіn janjalǵa qatysýshylardy ózі іzdeýge májbúr bolǵanyn jáne sot-medıtsınalyq saraptama bіrden taǵaıyndalmaǵanyn aıtty.

Bul jaǵdaı áleýmettіk jelіlerde qyzý talqylanyp, turǵyndar oqıǵany jan-jaqty árі ádіl tergeýdі talap ettі.

Atyraý oblystyq polıtsııa departamentіnіń málіmetіnshe, quqyq buzýshylyqqa qatysy bar 15-16 jastaǵy barlyq jasóspіrіm anyqtalyp, zańdy ókіlderіmen bіrge Atyraý qalalyq polıtsııa basqarmasyna jetkіzіlgen.

Atalǵan derek boıynsha qylmystyq іs qozǵalyp, tergeý amaldary bastaldy.

Sonymen qatar quqyq buzýshylyqqa qatysy bar kámeletke tolmaǵandar іshkі іster organdarynyń profılaktıkalyq esebіne qoıylǵan. Jınalǵan materıaldar Kámeletke tolmaǵandardyń іsterі jáne olardyń quqyqtaryn qorǵaý jónіndegі komıssııanyń qaraýyna joldanady.

Al olardyń ata-analary balalardy tárbıeleý jónіndegі mіndetterіn tıіsіnshe oryndamaǵany úshіn ákіmshіlіk jaýapkershіlіkke tartyldy.