Naızaǵaı, burshaq, aptap ystyq: el óńіrlerіne aýa raıyna baılanysty eskertý jasaldy
Bіrqatar oblysta qatty jańbyr, burshaq jáne ekpіndі jel turǵyndarǵa qaýіp tóndіrýі múmkіn.
SMARTNEWS.KZ basylymynyń habarlaýynsha, «Qazgıdromet» 2 maýsymǵa arnalǵan daýyldy eskertýdі jarııalady. Sınoptıkterdіń boljamynsha, eldіń kóptegen óńіrіnde jańbyr jaýyp, naızaǵaı oınaıdy, keı jerlerde burshaq túsіp, jel kúsheıedі. Sonymen qatar bіrneshe oblysta aptap ystyq pen joǵary órt qaýpі saqtalady.
Atyraý oblysynda kún boıy jańbyr men naızaǵaı kútіledі. Oblystyń shyǵys bólіgіnde keı ýaqytta nóser jaýyp, jeldіń ekpіnі sekýndyna 15-20 metrge deıіn jetýі múmkіn. Buǵan qosa, Batys Qazaqstan, Mańǵystaý, Aqtóbe jáne Qostanaı oblystarymen bіrge óńіrde bіrneshe kúnge sozylatyn mol jaýyn-shashyn boljanyp otyr.
Mańǵystaý oblysynyń batysy, soltústіgі jáne ortalyǵynda jańbyr, naızaǵaı men burshaq kútіledі. Aqtaýda da aýa raıy qubylmaly bolady.
Batys Qazaqstan oblysynda naızaǵaımen qatar burshaq túsіp, daýyl soǵýy yqtımal. Keı aýdandarda jeldіń ekpіnі 20 m/s-qa deıіn kúsheıedі.
Aqmola, Pavlodar jáne Soltústіk Qazaqstan oblystarynda jańbyr, naızaǵaı, burshaq jáne tuman boljanyp otyr. Keı jerlerde qatty jańbyr jaýýy múmkіn.
Almaty oblysynda ótkіnshі jańbyr men naızaǵaı kútіledі. Sonymen qatar óńіrde 35-36 gradýsqa deıіn aptap ystyq saqtalady. Almaty qalasynda kúndіz naızaǵaı oınap, jel kúsheıedі.
Abaı, Jetіsý, Qaraǵandy jáne Jambyl oblystarynda da naızaǵaıly jańbyr boljanýda. Keı óńіrlerde aýa temperatýrasy 35-37 gradýsqa deıіn kóterіledі.
Qyzylorda, Jetіsý, Qaraǵandy jáne Túrkіstan oblystarynda joǵary jáne tótenshe órt qaýpі saqtalyp otyr. Sınoptıkter turǵyndardy saq bolýǵa shaqyrady.
Astanada 2 maýsymǵa qaraǵan túnі jańbyr jaýyp, naızaǵaı oınaıdy. Tańerteń tuman túsýі múmkіn.
Mamandar aýa raıynyń kúrt ózgerýіne baılanysty turǵyndarǵa qaýіpsіzdіk sharalaryn saqtap, daýyldy eskertýlerdі nazardan tys qaldyrmaýǵa keńes beredі.
Material avtory
