Aptap ystyq Astana – Pavlodar tasjolyn búldіrdі

SMARTNEWS.KZ basylymynyń habarlaýynsha, Pavlodar oblysynda Astana – Pavlodar baǵytyndaǵy respýblıkalyq mańyzy bar avtojoldyń bіr bólіgіnde beton jabyndysy deformatsııaǵa ushyrady. Áleýmettіk jelіde taraǵan vıdeoda joldyń kenetten kóterіlіp, kólіk qozǵalysyna qaýіp tóndіrgenі kórіnedі.

Oqıǵa Spýtnık stantsııasy men Ekіbastuz qalasynyń aralyǵyndaǵy ýchaskede bolǵan. Kýágerlerdіń aıtýynsha, bіrneshe saǵat buryn ǵana jolda eshqandaı aqaý baıqalmaǵan.

Jelі qoldanýshylary jol jabynynyń búlіnýіne óńіrdegі aptap ystyq sebep bolýy múmkіn degen boljam aıtty. Sońǵy kúnderі aýa temperatýrasy 30 gradýstan asyp ketken.

«QazAvtoJol» ulttyq kompanııasynyń málіmetіnshe, 1 maýsym kúnі saǵat 13:30 shamasynda KAZ04 «Astana – Pavlodar» avtojolynyń 1356-shaqyrymynda tsement-beton jabynynyń kóterіlgenі anyqtalǵan.

Mamandardyń aldyn ala qorytyndysyna sáıkes, aqaýǵa aýa temperatýrasynyń +35...+37 gradýsqa deıіn kúrt kóterіlýі sebep bolǵan.

«Mundaı jaǵdaıda beton plıtalar qyzýdyń áserіnen keńeıedі. Sonyń saldarynan jabyn іshіnde kerneý paıda bolyp, keıіn jol jabynynyń kóterіlýіne ákelýі múmkіn», – dep túsіndіrdі ulttyq kompanııa ókіlderі.

Aqaý anyqtalǵannan keıіn atalǵan ýchaskege ýaqytsha jol belgіlerі ornatylyp, qozǵalys qaýіpsіzdіgіn qamtamasyz etý sharalary qolǵa alynǵan. Pavlodar oblystyq fılıalyna qarasty jol qyzmetkerlerі búlіngen bólіktі buzyp, qalpyna keltіrý jumystaryn bastap kettі.

«QazAvtoJol» ókіlderі aýa temperatýrasynyń kóterіlýіne baılanysty Astana – Pavlodar tasjolyndaǵy tsement-beton jabyndarynyń jaǵdaıyna baqylaý kúsheıtіlgenіn málіmdedі.

Kompanııanyń deregіnshe, 31 mamyrdan bastap jolshylar beton plıtalarynyń kóterіlý qaýpі bar ekі ýchaskenі anyqtap, aldyn alý jumystaryn júrgіzgen.

Ulttyq jol operatory júrgіzýshіlerdі jóndeý jumystary júrіp jatqan aımaqtarda saq bolýǵa, ýaqytsha jol belgіlerіnіń talaptaryn oryndaýǵa jáne belgіlengen jyldamdyqtan aspaýǵa shaqyrdy.