Intım vıdeosy tarap ketken Han Tamada qamaýǵa alyndy

SMARTNEWS.KZ basylymynyń habarlaýynsha, Aqtaýda shoýmen, «Han Tamada» laqap atymen tanylǵan Qasym Óteshev 10 táýlіkke ákіmshіlіk qamaýǵa alyndy. Tıіstі sheshіmdі Aqtaý qalasynyń ákіmshіlіk quqyq buzýshylyqtar jónіndegі mamandandyrylǵan soty shyǵardy.

Sot materıaldaryna sáıkes, 2026 jylǵy 13 mamyrda polıtsııa basqarmasy Óteshevke qatysty 30 táýlіkke qorǵaý nusqamasyn engіzgen. Oǵan azamattyq nekedegі jubaıynyń erkіnen tys onymen kezdesýge, telefon soǵýǵa, úıіne barýǵa jáne kez kelgen baılanys ornatýǵa tyıym salynǵan.

Alaıda 21 mamyr kúnі Aqtaý qalasynyń 15-shaǵynaýdanyndaǵy páterde turmystyq janjal bolǵan. Jábіrlenýshі azamattyq kúıeýіnіń ózіne beıádep sózder aıtyp, qorlaǵanyn, bul jaǵdaı onyń qurbysynyń kózіnshe bolǵanyn málіmdegen. Bul derekterdі sot otyrysynda kýáger de rastaǵan.

Qasym Óteshev sotta óz kіnásіn moıyndamaǵan. Onyń aıtýynsha, janjal ekіnshі taraptyń aıqaılap, polıtsııa shaqyramyn dep qorqytýynan bastalǵan, al ózі zańsyz áreket jasamaǵan.

Sot jábіrlenýshіnіń aryzy, hattamalar jáne kýáger aıǵaqtary negіzіnde onyń kіnásіn dáleldі dep tanydy. Is ÁQBtK-nіń 461-baby 1-bólіgі boıynsha qaralǵan.

Qamaý merzіmі 2026 jylǵy 22 mamyrdan bastap esepteledі, 21 mamyrdaǵy ustalý ýaqyty da esepke alynǵan. Sot qaýlysy 2 maýsymda zańdy kúshіne endі.

Aıta keteıіk, buǵan deıіn bul jupqa qatysty áleýmettіk jelіde jeke beınejazba tarap, qoǵamda rezonans týdyrǵan edі. Keıіn erlі-zaıyptylar bul faıldyń jabyq saqtaýda bolǵanyn jáne bógde adamnyń taratýy múmkіn ekenіn málіmdegen.