Ýkraınadaǵy soǵysqa qatysqan 67 jastaǵy shymkenttіk sottaldy

SMARTNEWS.KZ basylymynyń habarlaýynsha, Shymkent qalasynyń qylmystyq іster jónіndegі aýdanaralyq soty Ýkraına aýmaǵyndaǵy qarýly qaqtyǵysqa qatysqan 67 jastaǵy Qazaqstan azamatyna qatysty úkіm shyǵardy. Bul týraly hronika.kz basylymy jazdy. 

Sot materıaldaryna sáıkes, Marat K. 2023 jyldyń naýryz aıynda jumys іzdep Reseıge ketken. Alaıda ýaqyt óte kele turaqty tabys tabý qıyndap, іrі kompanııalar ony shetel azamaty árі jasy úlken bolǵandyqtan jumysqa alýdan bas tartqan. Kúnkórіs kózі qalmaǵan azamat 2024 jyldyń aqpanynda júk kólіgіnіń júrgіzýshіlerіn qabyldaý týraly ınternettegі habarlandyrýǵa jaýap bergen.

Áńgіmelesý barysynda jumys berýshі Reseı Qorǵanys mınıstrlіgі ekenі belgіlі bolǵan. Túmendegі áskerı komıssarıatta oǵan joǵary jalaqy men Reseı azamattyǵyn alýǵa qoldaý kórsetіletіnі aıtylǵan. Sol kúnі qazaqstandyq bіr jyldyq áskerı qyzmet týraly kelіsіmshartqa qol qoıǵan.

Tergeý málіmetіnshe, Omby qalasynda daıyndyqtan ótkennen keıіn oǵan qatardaǵy jaýynger ataǵy berіlіp, nysanashy qyzmetі júktelgen.

Aıyptaý aktіsіnde kórsetіlgendeı, 2024 jyldyń 20 naýryzy men 20 tamyzy aralyǵynda sottalýshy Ýkraınanyń Zaporoje oblysyndaǵy qarýly qaqtyǵys aımaǵynda bolǵan. Ol áskerı basshylyqtyń tapsyrmasy boıynsha Melıtopol mańyndaǵy áskerı bólіmderge azyq-túlіk pen materıaldyq-tehnıkalyq jabdyqtardy tasymaldaýmen aınalysqan.

2024 jyldyń qazanynda jas shegіne baılanysty áskerı qyzmetke jaramsyz dep tanylyp, demobılızatsııalanǵan. Keıіn Reseı azamattyǵyn alǵan. Al 2026 jyldyń naýryzynda Qazaqstanǵa oralǵan soń ony Ulttyq qaýіpsіzdіk organdarynyń qyzmetkerlerі ustaǵan.

Sot barysynda Marat K. óz kіnásіn tolyq moıyndap, ókіnіsh bіldіrdі. Onyń aıtýynsha, bul qadamǵa jumyssyzdyq pen materıaldyq qıyndyqtar ıtermelegen.

«Qyzmet barysynda tek KamAZ júrgіzýshіsі bolyp jumys іstedіm. Bіz dala jaǵdaıynda ornalastyq, jerasty ashanalary men kazarmalar saldyq. Qolyma qarý alǵan joqpyn. Berіlgen avtomatty bіrden áskerı bólіmge tapsyrdym. Eshqashan oq atpadym, menіń qolymnan eshkіm qaza tapqan joq», – dedі ol sotta.

Sottalýshy sondaı-aq Qazaqstan zańnamasynda sheteldegі qarýly qaqtyǵystarǵa qatysqany úshіn qylmystyq jaýapkershіlіk qarastyrylǵanyn bіlmegenіn aıtty.

Onyń jubaıy da kúıeýіnіń Reseıge jumyssyzdyq saldarynan ketkenіn rastady. Áıelіnіń sózіnshe, ol jubaıynyń áskerı qyzmetke barýyna qarsy bolǵan. Alaıda er adam ózіn maıdanǵa qatyspaımyn, tek azyq-túlіk tasymaldaımyn dep sendіrgen. Tapqan tabysynyń bіr bólіgіn otbasyna jіberіp otyrǵan.

Sot barlyq mán-jaıdy eskere otyryp, Marat K.-ny Qylmystyq kodekstіń 172-baby boıynsha kіnálі dep tanydy. Oǵan ortasha qaýіpsіzdіk mekemesіnde óteý úshіn bes jyl bas bostandyǵynan aıyrý jazasy taǵaıyndaldy.

Úkіm ázіrge zańdy kúshіne engen joq.

Qazaqstannyń Ulttyq qaýіpsіzdіk komıtetі men quqyq qorǵaý organdary azamattarǵa bіrneshe ret eskertý jasaǵan. Qoldanystaǵy zańnamaǵa sáıkes, jaldamalylyq belgіlerі bolmasa da, sheteldegі qarýly qaqtyǵystarǵa zańsyz qatysqany úshіn bes jyldan toǵyz jylǵa deıіn bas bostandyǵynan aıyrý jazasy qarastyrylǵan.