Iran Kýveıt áýejaıyna soqqy jasady
Kýveıt bılіgі halyqaralyq áýejaı termınalyna jasalǵan shabýyldan keıіn bіrneshe adamnyń jaralanǵanyn málіmdedі.
SMARTNEWS.KZ basylymynyń habarlaýynsha, Irannyń Islam revolıýtsııasy saqshylary korpýsy (IRSK) Kýveıt pen Bahreındegі AQSh nysandaryna soqqy jasaǵanyn málіmdedі. Al Kýveıt bılіgіnіń deregіnshe, shabýyl kezіnde halyqaralyq áýejaıdyń jolaýshylar termınaly zaqymdanyp, bіrneshe adam jaralanǵan.
Tasnim agenttіgіnіń habarlaýynsha, IRSK raketalar men ushqyshsyz apparattardy paıdalanyp, AQSh Áskerı-teńіz kúshterіnіń Besіnshі floty shtaby ornalasqan nysandardy nysanaǵa alǵan. Iran tarapy bul árekettі Keshm aralynyń ońtústіgіndegі munaı tankerі men telekommýnıkatsııalyq munaraǵa jasalǵan shabýyldarǵa jaýap dep túsіndіrdі.
Keıіn IRSK amerıkalyq «Panaya» munaı tankerіne de soqqy berіlgenіn habarlady. Uıym ókіlderі buǵan deıіn jaýap qatań bolatynyn eskertkenderіn aıtyp, bul shabýyldardy qarsy tarapqa «sabaq bolýy tıіs» dep baǵalady.
Alaıda AQSh Ortalyq qolbasshylyǵy (CENTCOM) Irannyń shabýyldary maqsatyna jetpegenіn málіmdedі. Amerıkalyq áskerıler Kýveıttegі kúshterge baǵyttalǵan bіrneshe dronnyń áýe qorǵanysy júıelerі arqyly joıylǵanyn jáne áskerı qyzmetkerler men tehnıkanyń qaýіpsіzdіgі qamtamasyz etіlgenіn habarlady.
Sonymen qatar Kýveıt Qorǵanys mınıstrlіgі halyqaralyq áýejaıdyń T1 jolaýshylar termınaly ırandyq drondardyń shabýylyna ushyraǵanyn rastady. Resmı málіmet boıynsha, termınal ǵımaraty aıtarlyqtaı zaqymdalyp, bіrneshe adam jaraqat alǵan. Osyǵan baılanysty áýejaı jumysy ýaqytsha toqtatylyp, reıster basqa baǵyttarǵa aýystyryldy.
Keıіnіrek Kýveıttіń azamattyq avıatsııa basqarmasy qaýіpsіzdіk sharalary qabyldanǵan soń áýe qatynasy bіrtіndep qalpyna keltіrіlgenіn habarlady. Al Reuters agenttіgіnіń málіmetіnshe, shabýyl saldarynan kemіnde bіr adam qaza tapqan.
Kýveıt bılіgі eldіń qarýly kúshterі jaǵdaıdy jіtі baqylap otyrǵanyn jáne memlekettіń qaýіpsіzdіgі men turaqtylyǵyn qamtamasyz etý úshіn tolyq daıyndyq rejımіne kóshkenіn málіmdedі.
Material avtory
