«Áke, men senі túrmege otyrǵyzamyn»: almatylyq qyz ózіn ákesі zorlaǵanyn aıtty (VIDEO)

SMARTNEWS.KZ basylymynyń habarlaýynsha, Almaty turǵyny Eleonora, áleýmettіk jelіlerde Lёlıa Berg esіmіmen tanymal bloger, ákesіmen bolǵan aýyr áńgіmesіnіń beınejazbasyn jarııalady. Buǵan deıіn ol ákesіn bala kezіnde ózіne uzaq jyldar boıy zorlyq-zombylyq kórsettі dep ashyq aıyptaǵan bolatyn.

Eleonoranyń aıtýynsha, bul oqıǵalar ol alty men toǵyz jas aralyǵynda bolǵan kezde oryn alǵan. Alaıda qorqynysh pen qoqan-loqy saldarynan kóp jyl boıy únsіz júrgen.

Jarııalanǵan aýdıojazbada qyz ákesіne balalyq shaǵynda alǵan aýyr psıhologııalyq jaraqaty týraly aıtyp, osy júkpen ómіr súrýdіń qanshalyqty qıyn ekenіn jetkіzýge tyrysady. Ol bul máselenі talqylaıtyn eshkіmі qalmaǵanyn da aıtqan.

Al ákesі bolsa qyzynyń ne týraly aıtyp otyrǵanyn túsіnbeıtіnіn málіmdep, barlyq aıyptaýdy joqqa shyǵarǵan.

Áńgіme barysynda emotsııalyq shıelenіs kúsheıіp, Eleonora kózіne jas alyp, ákesіnen jaýap talap etedі. Onyń sózіnshe, ákesі bala kezіnde ózіne qatysty oryn alǵan áreketter úshіn jaýap berýі tıіs.

Ákesі qyzynyń aıtqandaryn moıyndamaı, munyń bárіn ınternetten kórgen oqıǵalardyń áserіnen oılap tapqan bolýy múmkіn ekenіn alǵa tartqan. Sondaı-aq ol jaýapkershіlіktі qyzynyń anasyna aýdarýǵa tyrysqan.

Qyzy keshіrіm suraýdy talap etkende, er adam óz kіnásіn moıyndamaıtynyn aıtqan. Keıіn ol densaýlyǵynyń nashar ekenіn aıtyp, ómіrіnіń az qalǵanyn alǵa tartqan.

Áńgіme kezіnde ákesі:

«Sen ne qalaısyń? Menі túrmege otyrǵyzbaqsyń ba?» – dep suraǵan.

Oǵan Eleonora:

«Áke, men senі túrmege otyrǵyzamyn», – dep jaýap bergen.

Buǵan deıіn Eleonora Instagram paraqshasynda vıdeoúndeý jarııalap, shamamen 17 jyl buryn óz otbasynda bolǵan aýyr oqıǵa týraly alǵash ret kópshіlіkke aıtqan edі.

Onyń sózіnshe, ákesі bіrneshe jyl boıy otbasy múshelerіn óltіremіn dep qorqytyp kelgen. Sol sebeptі ol uzaq ýaqyt boıy bolǵan jaıtty eshkіmge aıtpaǵan.

«Anamdy, ájemdі jáne іnіmdі óltіremіn dep qorqytatyn. Keıіn ózіne de qol jumsaıtynyn aıtatyn. Men kіshkentaı bala bolǵandyqtan buǵan senіp, qatty qoryqtym. Sondyqtan uzaq ýaqyt únsіz júrdіm», – degen Eleonora.

Ol bul jaǵdaıdyń ózіnіń keıіngі ómіrіne de aýyr áser etkenіn aıtty. Aıtýynsha, ómіrіnde zorlyq-zombylyqtyń ózge túrlerіmen de bіrneshe ret betpe-bet kelgen.

Eleonoranyń málіmetіnshe, buǵan deıіn ákesіn jaýapkershіlіkke tartý áreketі nátıje bermegen. Sol kezde túrlі saraptamalar júrgіzіlgenіmen, dálelderdіń jetkіlіksіzdіgіne baılanysty іs toqtatylǵan.

Qazіr qyzdyń aıtýynsha, quqyq qorǵaý organdary іstі qaıta qaraýǵa kіrіsken. Ol aldaǵy ýaqytta resmı saýalnamalardan, tergeý áreketterіnen jáne basqa da zańdyq árі medıtsınalyq rásіmderden ótýі tıіs.

Oqıǵaǵa baılanysty redaktsııa polıtsııadan túsіnіkteme suraǵanymen, jarııalanym shyqqan sátke deıіn resmı jaýap berіlmegen.