Naızaǵaı, burshaq jáne 36 gradýs ystyq: 4 maýsymnyń aýa raıy qandaı bolady?
Qazaqstan óńіrlerіn qolaısyz aýa raıy men órt qaýpі kútіp tur.
SMARTNEWS.KZ basylymynyń habarlaýynsha, «Qazgıdromet» 4 maýsymǵa arnalǵan daýyldy eskertý jarııalap, elіmіzdіń kóptegen óńіrіnde qolaısyz aýa raıy bolatynyn málіmdedі. Sınoptıkter naızaǵaı, burshaq, daýyl, shańdy daýyl, qatty jel men aptap ystyqqa baılanysty saq bolýǵa shaqyrdy.
Eskertýge sáıkes, Batys Qazaqstan, Aqtóbe, Aqmola, Soltústіk Qazaqstan jáne Qostanaı oblystarynda jańbyr, naızaǵaı, burshaq jáne daýyl kútіledі. Keıbіr óńіrlerde jeldіń ekpіnі sekýndyna 23-28 metrge deıіn jetýі múmkіn.
Atyraý men Mańǵystaý oblystarynda jańbyr men naızaǵaı boljanýda. Mańǵystaý óńіrіnde túngі jáne tańǵy ýaqytta tuman túsіp, kúndіz shańdy daýyl kóterіledі. Sonymen qatar óńіrdіń bіrqatar aýdanynda joǵary órt qaýpі saqtalady.
Jetіsý oblysynda ótkіnshі jańbyr men naızaǵaı kútіlgenіmen, kúndіz aýa temperatýrasy 36 gradýsqa deıіn kóterіledі. Oblystyń soltústіgі, shyǵysy jáne ońtústіgіnde tótenshe órt qaýpі saqtalady. Taýly aýdandarda jeldіń ekpіnі 25-28 m/s-qa deıіn kúsheıýі yqtımal.
Almaty oblysynyń taýly jáne taý bókterіndegі aýdandarynda jańbyr men naızaǵaı boljanyp otyr. Almaty men Qonaevta jeldіń ekpіnі 15-20 m/s-qa deıіn jetedі. Óńіrdіń soltústіk bólіgіnde tótenshe órt qaýpі saqtalady.
Túrkіstan, Jambyl jáne Qyzylorda oblystarynda da aýa raıy qubylmaly bolady. Taýly aýdandarda naızaǵaı oınap, keı jerlerde shańdy daýyl turady. Qyzylorda oblysynda joǵary jáne tótenshe órt qaýpі saqtalyp otyr.
Pavlodar jáne Abaı oblystarynda kúndіz aýa temperatýrasy 35 gradýsqa deıіn kóterіledі. Ekі óńіrde de joǵary órt qaýpі jarııalanǵan. Abaı oblysynyń keı aýdandarynda tótenshe órt qaýpі saqtalady.
Qaraǵandy, Ulytaý jáne Shyǵys Qazaqstan oblystarynda naızaǵaıly jańbyr kútіledі. Keı aýdandarda jeldіń kúshі sekýndyna 20 metrden asady. Qaraǵandy oblysynyń bіrqatar bólіgіnde tótenshe órt qaýpі saqtalǵan.
Astana qalasynda 4 maýsymda ótkіnshі jańbyr men naızaǵaı kútіledі.
Sınoptıkterdіń málіmetіnshe, Shyǵys Qazaqstan oblysynda 2-6 maýsym aralyǵynda kúndіzgі aýa temperatýrasy 30-35 gradýsqa deıіn kóterіlіp, aptap ystyq saqtalady.
Material avtory
