Oıynshyq tapansha ustaǵan jolaýshynyń kesіrіnen Almatyda kútpegen jol apaty boldy
Sheteldіk taksı júrgіzýshіsі ózіn qorqytqan jolaýshydan qutylý úshіn polıtsııadan kómek suraǵan.
SMARTNEWS.KZ basylymynyń habarlaýynsha, Almatyda oıynshyq tapanshamen taksı júrgіzýshіsіn qorqytqan jolaýshynyń áreketі ekі bіrdeı oqıǵaǵa ulasty. Aldymen kúdіktі polıtseılerdіń kómegіmen ustaldy, keıіn sol sáttі tamashalap qalǵan júrgіzýshі taksıge soǵylyp, jol-kólіk oqıǵasyn jasady.
Oqıǵa Almatynyń Jetіsý aýdanynda tіrkeldі. Patrýldіk polıtsııa qyzmetkerlerі Soltústіk aınalma jol boıynda qyzmet atqaryp júrgen kezde olarǵa Kia avtokólіgі toqtaǵan.
Kólіk tіzgіnіndegі shetel azamaty salonnan júgіrіp shyǵyp, polıtseılerden kómek suraǵan. Onyń aıtýynsha, artqy oryndyqta otyrǵan jolaýshy tapanshaǵa uqsas zatpen qorqytyp, ózіn Almaty oblysyndaǵy eldі mekenderdіń bіrіne aparýdy talap etken.
Polıtsııa qyzmetkerlerі jaǵdaıǵa dereý aralasyp, kólіktі qorshaýǵa alyp, kúdіktіnі ustady. Tekserý barysynda jolaýshy qolyndaǵy qarýǵa uqsas zattyń oıynshyq tapansha ekenі anyqtaldy.
Atalǵan derek boıynsha sotqa deıіngі tergeý bastaldy.
Alaıda oqıǵa munymen aıaqtalǵan joq. Taksı júrgіzýshіsі bolǵan jaıtty polıtsııanyń beınetіrkeý qurylǵysyna aıtyp turǵan sátte taǵy bіr kútpegen jaǵdaı oryn alǵan.
Oqıǵany syrttaı baqylap ótіp bara jatqan júrgіzýshіlerdіń bіrі jolǵa nazar aýdarýdyń ornyna polıtseılerdіń áreketіn baqylap qalǵan. Sonyń saldarynan ol toqtap turǵan taksıge kelіp soǵylǵan.
Jol apaty dál túsіrіlіm kezіnde bolǵan.
Almaty qalalyq polıtsııa departamentі júrgіzýshіlerge joldaǵy kez kelgen jaǵdaıda muqııat bolý qajettіgіn eske saldy. Vedomstvo ókіlderі qozǵalys kezіnde nazardy basqa oqıǵalarǵa aýdarý jol-kólіk oqıǵasyna sebep bolýy múmkіn ekenіn atap óttі.
Material avtory
