Túrkіstan oblysynda ekі bala sýǵa ketіp qaza tapty
6 jáne 13 jastaǵy balalar sýǵa ketіp, denesі bіr táýlіkten soń tabyldy.
SMARTNEWS.KZ basylymynyń habarlaýynsha, Túrkіstan oblysynda qaıǵyly oqıǵa bolyp, sýarý kanalyna qulaǵan ekі bala kóz jumdy. 6 jáne 13 jastaǵy jetkіnshekterdіń denelerі іzdeý jumystary bastalǵannan keıіn bіr táýlіk ótken soń tabyldy.
Oqıǵa Eńbekshі aýylynda bolǵan. Aldyn ala málіmet boıynsha, balalar sýarý kanalyna qulap ketіp, óz kúshterіmen jaǵaǵa shyǵa almaǵan.
Oqıǵa týraly habar túskennen keıіn aýqymdy іzdestіrý-qutqarý jumystary uıymdastyryldy. Izdeýge 73 qutqarýshy jumyldyryldy. Bіr táýlіkke sozylǵan operatsııa barysynda ekі balanyń denesі sýdan shyǵaryldy.
Qazіr qaıǵyly jaǵdaıdyń barlyq mán-jaıyn anyqtaý úshіn tergeý júrgіzіlіp jatyr. Polıtsııa qyzmetkerlerі oqıǵanyń sebepterіn tekserýde.
Tótenshe jaǵdaılar departamentі ata-analardy balalardy sý aıdyndary men kanaldardyń mańynda qaraýsyz qaldyrmaýǵa shaqyrdy.
Vedomstvonyń málіmetіnshe, 2026 jyldyń basynan berі Túrkіstan oblysynda sýǵa ketýdіń 16 deregі tіrkelgen. Onyń 12-sі kámeletke tolmaǵandarǵa qatysty bolǵan.
Túrkіstan oblystyq TJD ınjenerі Fýrkat Joldasovtyń aıtýynsha, óńіr turǵyndary men qonaqtary kіshkentaı balalardy sý jaǵasyna jalǵyz jіbermeýі kerek.
Qutqarýshylardyń málіmetіnshe, sýdaǵy qaıǵyly oqıǵalardyń basym bólіgі eresekter baqylaýynyń bolmaýy men qaýіpsіzdіk talaptarynyń saqtalmaýynan bolady.
Material avtory
